უკრაინის პრეზიდენტი პეტრო პოროშენკო კიევში პარლამენტის შენობასთან მიმდინარე საპროტესტო აქციას გამოეხმაურა, რომელსაც საქართველოს ყოფილი პრეზიდენტი მიხეილ სააკაშვილი მართავს, - ამის შესახებ 112.UA იუწყება.

უკრაინის პრეზიდენტმა სამართალდამცავ ორგანოებს მოუწოდა, აქციის მშვიდობიანი წარმართვა უზრუნველყონ.

"გაგებით ვეკიდები აქციებს და პატივს ვცემ მათში მონაწილე ადამიანებს. გარდა ამისა, ჩემთვის ძალიან მნიშვნელოვანია და ყველა სამართალდამცველს მოვუწოდებ, რომ აქციის მშვიდობიანად წარმართვა უზრუნველყონ. არავითარ შემთხვევა არ შეიძლება იმის დაშვება, რომ უპასუხისმგებლო პოლიტიკანებმა ტრაგიკული მოვლენები გაიმეორონ, რომლებიც 31 აგვისტოს მოხდა, სადაც ეროვნული გვარდიის 4 წევრი დაიღუპა", - განაცხადა პოროშენკომ და დასძინა, რომ წესრიგის უზრუნველყოფა სამართალდამცველებისა და საპროტესტო აქციის ორგანიზატორების მნიშვნელოვანი ამოცანაა.

ცნობისთვის, კიევში, პარლამენტის შენობის წინ მიხეილ სააკაშვილის მიერ ორგანიზებული საპროტესტო აქცია მიმდინარეობს, აქციაში ათასობით ადამიანი მონაწილეობს. აქციის მონაწილეები და ორგანიზატორები პარლამენტს მოუწოდებენ დეპუტატების ხელშეუხებლობა გააუქმონ, ასევე შეცვალონ საარჩევნო კანონმდებლობა და ანტიკორუფციული სასამართლოს შექმნას მოითხოვენ. ადგილზე 3.500 სამართალდამცველია მობილიზებული.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია