ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე ოკუპირებულ ტერიტორიებზე რუსეთის ფედერაციის სამხედრო წვრთნებს გამოეხმაურა.

როგორ მინისტრმა აღნიშნა, ხელისუფლება საერთაშორისო პარტნიორებთან მუდმივ კავშირშია.

„არაღიარების პოლიტიკასთან დაკავშირებით, ძალიან მნიშვნელოვანი ნაბიჯები უკვე გადაიდგა. მათ შორის ამერიკის შეერთებული შტატების პრეზიდენტის მიერ ხელმოწერილი დოკუმენტი, რომელიც ეხება დაფინანსების შეწყვეტას იმგვარი საერთაშორისო ორგანიზაციების, ფინანსური ინსტიტუტებისა და ქვეყნებისთვის, რომლებსაც ჭკუაში მოუვათ და ოკუპირებულ ტერიტორიებს დამოუკიდებელ სახელმწიფოებად აღიარებენ. ამიტომ, მნიშვნელოვანი ნაბიჯია გადადგმული ჩვენი მხრიდან. ამას ვუწოდებ შეშფოთებებიდან უკვე კონკრეტულ ქმედებებზე გადასვლას. ბუნებრივია, ვაპირებთ იგივე სულისკვეთებით გავაგრძელოთ მუშაობა, როგორც ამერიკელ ასევე ევროპელ პარტნიორებთან“, - განაცხადა დოლიძემ „ექსპრესნიუსის“ კითხვაზე საპასუხოდ, რომელიც ოკუპირებულ ტერიტორიებზე რუსეთის სამხედრო წვრთნებს ეხებოდა.

ცნობისთვის, ე.წ. სამხრეთ ოსეთში რუსეთის ფედერაცია მიმდინარე წლის განმავლობაში სამხედრო წვრთნებს უკვე მეორედ მართავს. 

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია