საქართველოს პრეზიდენტის ადმინისტრაციის უფროსმა გიორგი აბაშიშვილმა მოქალაქეობის მინიჭების საგამონაკლისო წესზე იუსტიციის მინისტრის კრიტიკას უპასუხა.

გიორგი აბაშიშვილი აცხადებს, რომ საქართველოს პრეზიდენტის მიერ მეტი საჯაროობისკენ გადადგმულმა ნაბიჯებმა ცალკეულ პიროვნებებს მნიშვნელოვანი დისკომფორტი შეუქმნა და მაშინ, როცა პროცესი დასრულებისკენ მიდიოდა, პრეზიდენტის ადმინისტრაციამ მიიღო წერილი საქართველოს იუსტიციის სამინისტროსგან, სადაც საუბარია, რომ ამ საჯაროობისკენ გადადგმული ნაბიჯებით საქართველოს პრეზიდენტი  უხეშად არღვევს კანონს და ამის შემდგომ იუსტიციის სამინისტროს სააგენტო მოკლებული იქნება ყოველგვარ შესაძლებლობას, გავლენა იქონიოს მოქალაქეობის მინიჭებასთან დაკავშირებულ გადაწყვეტილებებზე.

„საუბარია იმ გადაწყვეტილებებზე, რომელიც საქართველოს პრეზიდენტის კონსტიტუციური უფლებაა. დღეს, საქართველოს იუსტიციის მინისტრმა ბრიფინგზე ეს ყველაფერი გადათარგმნა პრეზიდენტის პოლიტიკურ კრიტიკაში. მიუხედავად იმისა, რომ ნათლად ვაკვირდებით პროცესის მეტი საჯაროობით და როგორც წერილშია ნათქვამი, გავლენის შესუსტებით შექმნილ დისკომფორტს, მინდა სრული პასუხისმგებლობით განვაცხადო, რომ  პრეზიდენტის პირველი სექტემბრის ინიციატივის თანახმად, საგამონაკლისო წესით მოქალაქეობის მინიჭების პროცესი აუცილებლად გახდება უპრეცედენტოდ გამჭვირვალე და მასში აუცილებლად ჩაერთვებიან საზოგადოების წარმომადგენლები, შესაბამისად, აღნიშნული საკითხი უახლოეს დღეებში ასახული იქნება  შესაბამის სამართლებრივ აქტში", - განაცხადა გიორგი აბაშიშვილმა.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია