საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრის" დირექტორი თათია ხოჭოლავა ინგლისური ენის კურსდამთავრებულებს შეხვდა და სერტიფიკატები გადასცა.

ღონისძიება მედიაციის სახლში გაიმართა. სასწავლო პროგრამით „ყოფილ პატიმართა რეაბილიტაციისა და რესოციალიზაციის პროგრამისა“ და მედიაციის სახლის ბენეფიციარებმა ისარგებლეს.

ცენტრის ინფორმაციით, სასწავლო კურსი 8 მოხალისე პედაგოგმა ჩაატარა, რომლებიც პროექტში გამოცდილების მიხედვით ჩაერთვნენ. ესენი არიან: ნინო კოდუა, ჟანა ოდიაშვილი, მარი ჩიტაშვილი, ლინდა ბერიძე, მარიამ მუმლაძე, მარეხ ხოჯელანი, ნინო კასრაძე და ია ორმოცაძე. ცენტრის დირექტორმა თათია ხოჭოლავამ მოხალისე პედაგოგებს აქტიური ჩართულობისთვის და თანამშრომლობისთვის მადლობა გადაუხადა და მადლობის სიგელები გადასცა.

ბენეფიციარებისთვის განათლების სერვისის მიწოდების უწყვეტობის მიზნით, დანაშაულის პრევენციის ცენტრის ბაზაზე მესამე წელია ინგლისური ენის კურსები მიმდინარეობს. ამ სერვისით ჯამში 200-მდე ბენეფიციარმა ისარგებლა.

ჯგუფები ბენეფიციარების ასაკისა და ინგლისური ენის ცოდნის დონის მიხედვით იქმნება. გაკვეთილები სსიპ „დანაშაულის პრევენციის ცენტრისა“ და მედიაციის სახლის ოფისებში პერიოდულად მიმდინარეობს.

„ყოფილ პატიმართა რეაბილიტაციისა და რესოციალიზაციის პროგრამა" იუსტიციის მინისტრის ინიციატივით 2012 წლის ბოლოს შეიქმნა. პროგრამას იუსტიციის სამინისტროს სსიპ „დანაშაულის პრევენციის ცენტრი" ახორციელებს. პროგრამის მიზანია სასჯელაღსრულების დაწესებულებებიდან  გათავისუფლებული პირების რეაბილიტაციის ხელშეწყობა, მათი დაბრუნება საზოგადოების სრულუფლებიან წევრებად. პროგრამაში ჩართულ ბენეფიციარებს და მათ ოჯახის წევრებს, სხვა მნიშვნელოვან სერვისებთან ერთად ინგლისური ენის შესწავლა უფასოდ შეუძლიათ.

სსიპ „დანაშაულის პრევენციის ცენტრის“ მედიაციის სახლში კი -არასრულწლოვნებისთვის განკუთვნილი სივრცე და სერვისებია; მოზარდებს თავისუფალი დროის ნაყოფიერად და საინტერესოდ გატარების შესაძლებლობა აქვთ. განსაკუთრებული ყურადღება სოციალურად დაუცველ, განათლების სისტემის მიღმა დარჩენილ არასრულწლოვნებს, ზრუნვის სისტემიდან გასულ პირებს, 18 წლამდე მოზარდებს ეთმობა.

(NS)

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს