27-29 სექტემბერს, სამუშაო ვიზიტით საქართველოს ეუთოს საპარლამენტო ასამბლეისსპეციალური წარმომადგენელი სამხრეთ კავკასიაში, კრისტიან ვიგენინი ეწვევა.

კრისტიან ვიგენინი შეხვედრებს გამართავს პარლამენტის თავმჯდომარესთან ირაკლი კობახიძესთან, საგარეო ურთიერთობათა კომიტეტისა და ეუთო-ს საპარლამენტო ასამბლეის მუდმივმოქმედი დელეგაციის თავმჯდომარესთან სოფიო ქაცარავასთან, ეუთო-ს საპარლამენტო ასამბლეის მუდმივმოქმედი დელეგაციის წევრებთან, საპარლამენტო უმცირესობაში შემავალი ფრაქციების წარმომადგენლებთან, შერიგებისა და სამოქალაქო თანასწორობის საკითხებში სახელმწიფო მინისტრთან, ქეთევან ციხელაშვილთან, საგარეო საქმეთა მინისტრთან მიხეილ ჯანელიძესთან და მთავრობის ადმინისტრაციის ადამიანის უფლებათა სამდივნოს ხელმძღვანელთან ნატალია ჯალიაშვილთან. 

„ეუთოს საპარლამენტო ასამბლეის სპეციალური წარმომადგენლის ვიზიტის ფარგლებში ძალიან მნიშვნელოვანი შეხვედრები გაიმართება. კრისტიან ვიგენინის ჩამოსვლის მთავარი მიზანია უკეთ გაეცნოს ქვეყანაში ადამიანის უფლებების დაცვის მიმართულებით არსებულ ვითარებას, ამ კუთხით მიმდინარე რეფორმებს და ოკუპირებულ ტერიტორიებზე არსებულ გამოწვევებს. შეხვედრაზე ვიმსჯელებთ კონფლიქტის მშვიდობიანი მოგვარების გზებზე და ამ პროცესში პარლამენტის როლზე. ასევე, განვიხილავთ ოკუპირებულ ტერიტორიებზე მყოფი ჩვენი მოქალაქეების სოციალურ პრობლემებს და ჩვენი ქვეყნის პოლიტიკას აღნიშნულ საკითხთან მიმართებაში. ეუთო-ს საპარლამენტო ასამბლეის ფორმატი არის კარგი შესაძლებლობა კონფლიქტის საკითხების განსახილველად და მსურს ეს შესაძლებლობა მაქსიმალურად გამოვიყენო", - განაცხადა სოფიო ქაცარავამ. 

კრისტიან ვიგენინი წეროვანში და თბილისის ზღვის ახალ უბანში იძულებით გადაადგილებულ პირთა დასახლებას და სოფელ ხურვალეთში, ადმინისტრაციულ სასაზღვრო ზოლს მოინახულებს

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს