მთავრობა 2023 წელს სათხილამურო და სნოუბორდის ფრისტაილის მსოფლიო ჩემპიონატის საქართველოში ჩატარებაზე შეიტანს განაცხადს. ამის შესახებ მთავრობის დღევანდელ სხდომაზე პრემიერ-მინისტრმა გიორგი კვირიკაშვილმა განაცხადა.  მისივე განმარტებით, სათხილამურო  ფედერაციის გენერალური მდივნისა და ექსპერტების შემადგენლობით, ცოტა ხნის წინ, საქართველოში დელეგაცია იმყოფებოდა,  რომლებმაც საქართველოს ინფრასტრუქტურა  ჩემპიონატის მოთხოვნების შესაბამისად ჩათვალეს.

"2023 წელს სათხილამურო და სნოუბორდის ფრისტაილის მსოფლიო ჩემპიონატის ჩატარებაზე შეგვაქვს განაცხადი. რამდენიმე თვის წინ ვიმყოფებოდი შვეიცარიაში, სადაც შევხვდი საერთაშორისო, სათხილამურო ფედერაციის პრეზიდენტს, ბატონ ჯან ფრანკო კასპერს, რომელსაც ვესაუბრე საქართველოში სათხილამურო ინფრასტრუქტურის განვითარებაზე, ჩვენ გავუკეთეთ ბატონ კასპერს პრეზენტაცია საქართველოში განხორციელებულ და დაგეგმილ პროექტებზე და სულ ცოტა ხნის წინ საქართველოში იმყოფებოდა დელეგაცია, უკვე სათხილამურო ფედერაციის გენერალური მდივნის და ექსპერტების შემადგენლობით, რომლებმაც შეაფასეს ჩვენი სამთო-სათხილამურო კურორტების მზადყოფნა და ჩვენი ინფრასტრუქტურა ჩათვალეს შესაბამისად იმ მოთხოვნების, რომელიც ამ ჩემპიონატს აქვს.

გარკვეული სამუშაოები გვაქვს ჩასატარებელი, რა თქმა უნდა, მაგრამ მთავრია, რომ ყველა პარამეტრით ჩვენი კურორტები აკმაყოფილებს იმ მოთხოვნებს, რაც არის საჭირო ესოდენ მნიშნელოვანი ტურნირების ჩატარებისთვის. ამ ტურნირის განმავლობაში, თუ რა თქმა უნდა, საბოლოოდ დავაკმაყოფილებთ პარამეტრებს და მოვიგებთ ჩემპიონატის ჩატარების უფლებას, 25 ათასამდე ადამიანი ჩამოვა საქართველოში, მოხდება საქართველოს პოპულარიზაცია, ზამთრის სპორტის სახეობების პოპულარიზაცია, რაც ჩვენთვის არის მაღალი დონის ამოცანა, რომ ჩვენი ქვეყნის ახალგაზრდებმა, ჩვენმა უფრო მეტად ისიამოვნონ ზამთრის სპორტის სახეობებით, უფრო მეტად ჩაერთონ, გაიკაჟონ ჯანმრთელობა. წელს უკვე ზამთრის სეზონზე გადავდგით ამ მიმართულებით მნიშვნელოვანი ნაბიჯები, მცოცავი გრაფიკი შემოვიღეთ ზამთრის არდადეგების, როდესაც გაცილებით მეტმა ბავშვმა შეძლო იაფფასიან სასტუმროებში ზამთრის არდადეგების გატარება. ასევე ზამთრის, სათხილამურო სკოლებს ვაფინანსებთ, და მომავალ წელსაც გავაგრძელებთ ამ მიმართულებით ნაბიჯების გადადგმას. გავაგრძელებთ იმ ინფრასტრუქტურის განვითარებას, რაც საჭიროა საქართველოს ამ მიმართულებით საერთაშორისო ასპარეზზე წარმოჩენისთვის", - განაცხადა პრემიერმა.

ავტორი: ,

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება