ჩრდილოეთ კორეის საგარეო საქმეთა მინისტრმა ლი ენ ხომ ამერიკის შეერთებული შტატების პრეზიდენტი დონალდ ტრამპი "ომის გამოცხადებაში" დაადანაშაულა, - ამის შესახებ BBC იუწყება.

როგორც მინისტრმა აღნიშნა, ჩრდილოეთ კორეა აშშ-ის ბომბდამშენებზე სროლას დაიწყებს.

"რადგანაც აშშ ომს გვიცხადებს, ჩვენ გვაქვს ყველანაირი უფლება მივიღოთ საწინააღმდეგო ზომები, მათ შორის ვესროლოთ ამერიკულ ბომბდამშენებს, მიუხედავად იმისა, რომ ისინი შესაძლოა ჩვენ საჰაერო სივრცეში აღარ იმყოფებოდნენ", - განუცხადა ლი ენ ხომ.

მანვე დასძინა, რომ ყველას უნდა ახსოვდეს ფაქტი: "სწორედ აშშ იყო ის ვინც პირველმა გამოგვიცხადა ომი".

შეგახსენებთ, რომ აშშ-სა და ჩრდილოეთ კორეის ლიდერებმა ერთმანეთს "გიჟები" უწოდეს. „კიმ ჩენ ინი სავარაუდოდ შეშლილია, რომელიც მშვიდად უყურებს იმას, რომ საკუთარი მოსახლეობა შიმშილით იხოცება", - დაწერა ტრამპმა Twitter-ზე. კიმ ჩენ ინმა კი, დონალდ ტრამპს „შეშლილი მოხუცი“ უწოდა და ცეცხლით განადგურებით დაემუქრა.

ამასთან, გაეროს გენერალურ ასამბლეაზე გამოსვლისას, დონალდ ტრამპმა განაცხადა, რომ შეერთებული შტატები სრულად გაანადგურებს ჩრდილოეთ კორეას, თუკი ფხენიანი ამერიკის ან მისი მოკავშირეების უსაფრთხოებას დაემუქრება.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია