„ქართული ოცნების“ მიერ წარმართული საკონსტიტუციო ცვლილებების პროცესი შეგვიძლია შევაჯამოთ ვენეციის კომისიის პრეზიდენტის ჯანი ბუკიკიოს შეფასებით: "მე ძალიან, ძალიან იმედგაცრუებული ვარ", - ამის შესახებ პარტია "ევროპული საქართველოს" წევრმა სერგო რატიანმა განაცხადა.

როგორც დეპუტატმა პარლამენტის სხდომაზე აღნიშნა, მმართველ გუნდს "ქვეყნის პრესტიჟი არ აინტერესებს".

"ეს არის მთავარი დიაგნოზი მთელი ამ პროცესისა. იმედგაცრუებულია ყველა, როგორც საერთაშორისო საზოგადოება, ისე ქართული საზოგადოებაც. პრაქტიკულად თქვენ მოატყუეთ ყველა, როგორც საქართველოში, ისე ჩვენი საერთაშორისო პარტნიორები. ფაქტობრივად თავზე გადაახიეთ ვენეციის კომისიას ყველა შეთანხმება და მანამდე, მთელი პროცესი, როგორც იყო, რეალურად თქვენ სრულიად სხვა გზით წახვედით. 4 თვის განმავლობაში ჩვენ ერთად დავდიოდით ქალაქ-ქალაქ და თქვენ ამტკიცებდით ბატონო პარლამენტის თავმჯდომარე, როგორი არა დემოკრატიული არის ის საარჩევნო სისტემა, რომელიც დღეს გვაქვს და მაჟორიტარული სისტემა არის ავტორიტარიზმისკენ გადახრილი, ბოლოს უცებ კი, გამოაცხადეთ, რომ არაფერს არ ცვლით. თქვენ კარგად გესმით, რომ არის არაპოპულარული ნაბიჯი, მაგრამ თქვენ აღარ გაინტერესებთ აღარც თქვენი პრესტიჟი, აღარც ქვეყნის პრესტიჟი, აღარც პოპულარობა", - განაცხადა სერგო რატიანმა.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია