საქართველოს პრემიერ-მინისტრი გიორგი კვირიკაშვილი აბიტურიენტებს, რომლებიც უმაღლეს სასწავლებლებში მოხვდნენ, სტუდენტობას ულოცავს.

ასევე, პრემიერმა მიმართა უმაღლესი სასწავლებლის გარეთ დარჩენილ ახალგაზრდებსაც:

"მინდა, დღევანდელი დღე მივულოცო ჩვენს სტუდენტებს, 28 ათასზე მეტი სტუდენტი შეუდგა სწავლას და მინდა, ვუსურვო მათ, რომ შეიძინონ ის ცოდნა, უნარჩვევები, რომელიც ჩვენს ქვეყანას და, რა თქმა უნდა, მათ გამოადგებათ.

დარწმუნებული ვარ, რომ ჩვენს ქვეყანას გააჩნია ძალიან ნათელი მომავალი. დინამიკა ცხოვრების იზრდება, გამოწვევები პროფესიონალური მომზადების კუთხით საკმაოდ კონკურენტულია და აქედან გამომდინარე, გვჭირდება ახალგაზრდობა, რომელიც მომზადებული იქნება ამ გამოწვევებთან გასამკლავებლად. დარწმუნებული ვარ, რომ ის ადამიანები, რომლებმაც გადალახეს ბარიერები, რაც იყო დაწესებული უმაღლეს სასწავლებლებში ჩასაბარებლად, ამ გამოწვევებს გაუმკლავდებიან. ვინც ვერ მოხვდა, მინდა ვუთხრა, რომ გული არ გაიტეხონ. ცხოვრება არის შესაძლებლობებით სავსე და ასეთი შესაძლებლობები ყოველ წუთას ჩნდებიან ადამიანების წინ და დარწმუნებული ვარ, თითოეულ ახალგაზრდას, რომელიც ვერ გახდა სტუდენტი, ექნება შესაძლებლობა, საკუთარი პოტენციალის რეალიზება მოახდინოს", - განაცხადა პრემიერმა.

ავტორი: ,

სოციალური ქსელები

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია

სატვირთოს მძღოლი, რომელიც რკინის კონსტრუქციებში მოყვა, დაიღუპა