გიორგი მღებრიშვილი აუდიოჩანაწერებზე: მინდა გითხრათ, რომ დარდიც არ მაქვს

2017-08-15 10:32:22, 3052 ნახვა

პოლიტიკა საზოგადოება კომენტარი

Страна.ua-ს გავრცელებულ აუდიოჩანაწერებთან დაკავშირებით, საქართველოს შინაგან საქმეთა მინისტრმა განცხადება გააკეთა.

როგორც მღებრიშვილმა აღნიშნა, გავრცელებული აუდიოჩანაწერი მხოლოდ ანტიპიარია, რომელსაც "ნაციონალური მოძრაობის" წევრები ხელისუფლების წინააღმდეგ იყენებენ.

"ჩანაწერებთან დაკავშირებით ჩვენ კომენტარი გავაკეთეთ. ზედმეტად ვთვლი, რომ თავი ვიმართლო. მინდა გითხრათ, რომ დარდიც არ მაქვს. თუ საჭირო გახდა, ჩაატარონ გამოძიება, ჩაატარონ ექსპერტიზები რა სახისაც გინდათ იყოს. მე გეტყვით ერთ რამეს, რომ ”ფე-ეს-ბე”-ს აგენტები და ”ნაციონალური მოძრაობის წევრები ორკესტრირებულად, ერთად უტევენ ხელისუფლებას და ეს არის აგორებული შავი პიარი, რომელიც ჩვენს შესასუსტებლადაა იმართული", - განაცხადა გიორგი მღებრიშვილმა.

ცნობისთვის, Страна.ua-მ გაავრცელა აუდიო ჩანაწერი, სადაც რუსი პრანკერები ამბობენ, რომ თითქოს შინაგან საქმეთა მინისტრს გიორგი მღებრიშვილს უკრაინის შს მინისტრის არსენ ავაკოვის სახელით დაურეკეს.

შსს-მ აღნიშნულთან დაკავშირებით განმარტება გააკეთა. უწყების პრესსამსახურის განმარტებით, უკრაინის შს მინისტრსა და გიორგი მღებრიშვილს შორის სატელეფონო საუბარი არ შემდგარა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან