ეროვნულ-დემოკრატიული ინსტიტუტის (NDI) კვლევის თანახმად, გამოკითხულთა 49%-ისთვის  მნიშვნელოვანია პარტიას ქალი და კაცი კანდიდატების თანაბარი რაოდენობა ჰყავდეს.

კერძოდ, კითხვაზე- რამდენად მნიშვნელოვანია, ან უმნიშვნელოა, რომ პარტიას, რომელიც თქვენს შეხედულებებთან ყველაზე ახლოს დგას, ჰყავდეს ქალი და კაცი კანდიდატების  თანაბარი რაოდენობა, გამოკითხულთა 9%-მა აღნიშნა, რომ ძალიან მნიშვნელოვანია, 40% ამბობს, რომ მნიშვნელოვანია, 37% აღნიშნავს, რომ უმნიშვნელოა, 9%-ის შეფასებით, სრულიად უმნიშვნელოა, 5% ამბობს, რომ არ იცის.

NDI-მ და CRRC–საქართველომ დღეს მედიას   საზოგადოებრივი აზრის კვლევის შედეგების მეორე ნაწილი წარუდგინეს.

კვლევის საველე სამუშაოები ჩატარდა 18 ივნისი - 9 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით), 2,261 პირისპირ ინტერვიუს წარმომადგენლობითი შერჩევის საფუძველზე.

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC-საქართველო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”