2017-07-25 12:39:18, 2451 ნახვა
სამართალი კომენტარი
მუსტაფაევა: უმოკლეს ვადაში გამოჩნდება, პროკურატურა იძიებს საქმეს თუ პოლიციის მსგავსად, არაფერს აკეთებს
აზერბაიჯანელი ჟურნალისტის აფგან მუხთარლის მეუღლე ლეილა მუსტაფაევა მთავარ პროკურატურაში გამოკითხვაზე ადვოკატთან ერთად იმყოფებდა.
როგორც მან აღნიშნა, მთავარ საგამოძიებო ორგანოსთან ბევრი შეკითხვა აქვს.
„ბევრი შეკითხვა გვაქვს პროკურატურასთან. ველოდებით პასუხებს თუ როგორ მოხდა აფგანის გატაცება. პოლიციამ ორი თვის განმავლობაში არ გაგვცა პასუხები ამ შეკითხვებზე. ამ ეტაპზე ვერ ვიტყვი ვენდობი თუ არა პროკურატურის გამოძიებას. უმოკლეს ვადაში გამოჩნდება ის რეალურად იძიებს საქმეს თუ პოლიციის მსგავსად არაფერს აკეთებს.
ამ შემთხვევაში კი ცხადი გახდება, რომ ჩვენ საქმე გვაქვს „ქართული ოცნების“ პოლიტიკურ ნებასთან“,-განაცხადა მუსტაფაევამ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
