პრეზიდენტი მზადაა, საქართველოს ყოფილ პრემიერ-მინისტრ ბიძინა ივანიშვილსა და გადაცემა "20/30"-ის ანალიტიკოსებს,  მედიასაშუალებების თანდასწრებით, საკუთარი საცხოვრებელი ფართების  დეტალურად დასათვალიერებლად  უმასპინძლოს. ამის შესახებ ჟურნალისტებს პრეზიდენტის მრჩეველმა ეკონომიკურ საკითხებში გიორგი აბაშიშვილმა განუცხადა.

მისივე განმარტებით, გიორგი მარგველაშვილმა ეს გადაწყვეტილება  პრეზიდენტის ფუფუნებისადმი მიდრეკილებასთან დაკავშირებით, ბიძინა ივანიშვილის მიერ გაკეთებული განცხადების გამო მიიღო.

"მას შემდეგ, რაც ბიძინა ივანიშვილის მხრიდან გამოითქვა მოსაზრება პრეზიდენტის ფუფუნებისადმი მიდრეკილებასთან დაკავშირებით, ვესაუბრე საქართველოს პრეზიდენტს  და პრეზიდენტი მზად არის, უმასპინძლოს ბიძინა ივანიშვილს და "20/30"-ის ანლიტიკოსებს საკუთარი საცხოვრებელი ფართების დეტალურად დასათვალიერებლად, ყველა მედია საშუალების თანდასწრებით, ნებისმიერ დროს. ამავდროულად, ცხადია, შესაძლებელია დათვალიერებული იქნას ავლაბრის რეზიდენცია მიუხედავად იმისა, რომ ეს არის პრეზიდენტის სამუშაო და არა საცხოვრებელი ადგილი.  პრეზიდენტი იქ არ ცხოვრობს",-განაცხადა გიორგი აბაშიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან

მსოფლიო რაგბის მომავალი საქართველოში იკრიბება - 27 ივნისიდან ახალგაზრდული მსოფლიო ჩემპიონატი იწყება