მამა გიორგი მამალაძის ადვოკატის გიორგი ფანცულაიას განცხადებით, ბრალდების მხარის იმ მოწმეებს, რომლებსაც ბრალდებულის ბარგთან შეხება ჰქონდათ, არაერთ მწვავე კითხვაზე მოუწევთ პასუხის გაცემა.

გიორგი ფანცულაიას თქმით, ბარგთან დაკავშირებით ბევრი სამართლებრივი და დაუსაბუთებელი კითხვის ნიშანი არსებობს.

კერძოდ, როგორც ადვოკატმა განმარტა, კითხვებია, თუ როგორ მოხდა ბრალდებულის ბარგის ამოღება, მისი დალუქვა და გარკვეული პირების მიერ  ბარგში ციანიდის მოთავსება.

„თუ  პროკურატურა იმ პოზიციაზეა, რომ ისინი კვლავ თავის პოზიციას გაამყარებენ,  ამ პოზიციაზე ისინი არიან  ყველა მოწმის დაკითხვის წინ,  მაგრამ დაკითხვის შემდეგ ეს პოზიცია ნაკლებად აქვთ, რადგან მოწმე ადასტურებს იმ ფაქტს, რაზეც ჩვენ ვსაუბრობთ. დღეს  თუ იქნებიან ის პოლიციელები და სამართალდამცავი ორგანოების თანამშრომლები, რომლებიც მოწმეთა სიაში არიან შეყვანილი და შეხება აქვთ ბარგთან, მათ არაერთ მწვავე კითხვაზე მოუწევთ პასუხის გაცემა“,-აღნიშნა ფანცულაიამ.

რაც შეეხება იარაღს, ადვოკატის განცხადებით, გიორგი მამალაძემ არაერთხელ აღნიშნა, რომ მას იარაღი სახლში ირაკლი მამალაძემ შეანახინა.

„სთხოვა მას, როგორც მოძღვარს, იარაღი შეენახა“,-განმარტა ფანცულაიამ და დასძინა, რომ ირაკლი მამალაძემ ეს ფაქტი დაკითხვისას არ დაადასტურა, თუმცა „ის ვერ სცემდა დეკანოზის მიერ დასმულ კითხვებს პასუხს“.

ფანცულაიას  შეფასებით, აღნიშნული მოსამართლისთვის ძალიან მნიშნელოვანი გარემოება უნდა იყოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა