2017-06-27 18:15:15, 2312 ნახვა
კომენტარი
აზერბაიჯანელი ოპოზიციონერი: მუხთარლის საქმეზე საქართველოს ხელისუფლება კარგად უნდა დაფიქრდეს
აზერბაიჯანული ოპოზიციის წარმომადგენლის არიფ ჰაჯილის განცხადებით, აფგან მუხთარლის საქმეზე საქართველოს ხელისუფლება კარგად უნდა დაფიქრდეს.
როგორც ჰაჯილმა საზოგადოებრივს განუცხადა, აფგან მუხთარლი აზერბაიჯანელი პოლიტიკური აქტივისტია, რომელიც აზერბაიჯანის ხელისუფლებას მწვავედ აკრიტიკებდა და ოპოზიციონერისვე თქმით, სწორედ, ამას უკავშირდება მისი დაკავება თბილისში.
„საქართველო ყოველთვის დემოკრატიულ ქვეყნად მიგვაჩნდა, აზერბაიჯანელებს საქართველოში ჩამოსვლა ყოველთვის განსაკუთრებით გვსიამოვნებდა, თუმცა აფგან მუხთარლის დაკავების შემდეგ, ვითარება შეიცვალა, ვფიქრობ, რომ ამაზე საქართველოს ხელისუფლება კარგად უნდა დაფიქრდეს“, - განაცხადა არიფ ჰაჯილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
