თბილისის მერის მოადგილის ირაკლი ლექვინაძის განცხადებით, მეტროსადგურ "უნივერსიტეტის" ინტერიერის დიზაინთან დაკავშირებით საზოგადოებაში გამოწვეული ვნებათაღელვა გადაჭარბებულია. 

როგორც მერის მოადგილემ განაცხადა, აღნიშნული დიზაინი საერთაშორისო კომპანიის მიერაა მომზადებული. 

"თბილისის მეტროპოლიტენის სამუშაოებს მუნიციპალური განვითარების ფონდი „აზიის განვითარების ბანკის“ ფინანსური მხარდაჭერით ახორციელებს. დიზაინი, რომელიც შეთანხმებულია, არის საერთაშორისო კომპანიის მიერ მომზადებული და ვფიქრობ, რომ ცოტა გადაჭარბებულია ეს ვნებათაღელვა.  მგონია, რომ როდესაც საკუთარი თვალით ნახავენ მგზავრები აღნიშნული მეტროპოლიტენის დიზაინს, შეიძლება ეს შთაბეჭდილებები რეალურად შეეცვალოთ", -განაცხადა ლექვინაძემ.

შეგახსენებთ, რომ მეტროსადგურ „უნივერსიტეტში“ ყველა სამშენებლო სამუშაო დასრულებულია. დაახლოებით 3 კვირაში სადგურში სატესტო მატარებელი გაივლის, მაგრამ როდის შევა „უნივერსიტეტი" ექსპლუატაციაში, ზუსტი დრო ჯერ უცნობია. აღსანიშნავია, რომ სადგურის დიზაინმა სოციალურ ქსელებში არაერთგვაროვანი რეაქცია გამოიწვია. გარდა ამისა, გავრცელდა ვიდეო, სადაც სადგური საცურაო აუზთან არის გაიგივებული. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა