საქართველოს რეგიონების ეკონომიკური განვითარების პროგრამის (RED) დასრულებასთან დაკავშირებით, სოფლის მეურნეობის სამინისტროში პროგრამის შედეგების შემაჯამებელი შეხვედრა გაიმართა.

სოფლის მეურნეობის მინისტრმა, ლევან დავითაშვილმა პროგრამას წარმატებული უწოდა და აღნიშნა, რომ პროგრამა ხუთი წლის განმავლობაში ფინანსურ და ტექნიკურ დახმარებას უწევდა მეკარტოფილეობისა და მესაქონლეობის საწარმოო ჯაჭვში ჩართულ ფერმერებსა და მეწარმეებს, რამაც ხელი შეუწყო რეგიონებში დასაქმებულთა შემოსავლების ზრდას. 

აღსანიშნავია, რომ დანიურ-შვეიცარიული ერთობლივი პროექტის რეგიონების ეკონომიკური განვითარების პროგრამა (RED) სამცხე-ჯავახეთსა და ქვემო ქართლში ეკონომიკური ზრდისა და სიღარიბის დაძლევის ხელშეწყობას ითვალისწინებდა.

შეხვედრას შვეიცარიის თანამშრომლობის ორგანიზაციის (SDC) რეგიონული დირექტორი ოლივიე ბურკი; დანიის საერთაშირისო განვითარების სააგენტოს (DANIDA), რეგიონების ეკონომიკური განვითარების პროგრამის (RED) და პროგრამის განმახორციელებელი კონსორციუმის  წარმომადგენლები ესწრებოდნენ.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის გენშტაბი რუსეთში დაბომბილი სტრატეგიული ობიექტების შესახებ ინფორმაციას ავრცელებს

TV Pirveli: ტერიტორია, სადაც მიწა ჩამოიშალა ჯუანშერ ბურჭულაძის ოჯახს ეკუთვნის

საქართველოს ბანკის 29-ე თანამედროვე ბიბლიოთეკა სოფელ ჭვანის საჯარო სკოლაში გაიხსნა

მოსკოვის მერის თქმით, რუსეთის დედაქალაქზე დრონებით იერიში მიიტანეს