მდინარაძე: ასე ახლოს საქართველო ნატო-სთან და ევრო სტრუქტურებთან არასდროს ყოფილა

2017-05-29 11:43:15, 2165 ნახვა

პოლიტიკა კომენტარი

ფრაქცია "ქართული ოცნების" თავმჯდომარის მამუკა მდინარაძის განცხადებით, საქართველო ნატო-სთან ისე ახლოსაა, როგორც არასდროს.

როგორც მდინარაძემ ჟურნალისტებს განუცხადა, ჩრდილოატლანტიკური ალიანსის საპარლამენტო ასამბლეის ჩატარება საქართველოში მიმდინარე წარმატებული რეფორმების უპირობო აღიარებაა.

„ასე ახლოს საქართველო ნატო-სთან და ევრო სტრუქტურებთან არასდროს ყოფილა. პაოლო ალოს განცხადებით, დღეს კიდევ ერთხელ დადასტურდა, რომ ნატო მზადაა საქართველო თავის რიგებში მიიღოს. ეს ძალიან მალე იქნება, უფრო მალე ვიდრე ბევრს შეიძლება წარმოედგინოს. ვფიქრობთ, დეკლარაციაში საქართველოში გატარებული რეფორმების მიმართ უპირობო მხარდაჭერა დაფიქსირდება. რა თქმა უნდა გამოწვევები არსებობს და დარწმუნებული ვარ, საქართველო ამ გამოწვევებს თავს წარმატებით გაართმევს", - აღნიშნა მდინარაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან