საქართველოს მთავრობის ადმინისტრაციის შენობაში, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის პირველი მოადგილე არჩილ ყარაულაშვილი ევროკავშირის პროექტის „საქართველო ევროპულ გზაზე: ეფექტური მოდელის შექმნა ღრმა და ყოველისმომცველი თავისუფალი ვაჭრობის შესახებ შეთანხმებისა და მცირე ბიზნესის განვითარების სტრატეგიის იმპლემენტაციისთვის" განმახორციელებელი კონსორციუმის წარმომადგენლებს შეხვდა.

კონსორციუმის წევრები არიან ლიტვის რესპუბლიკის აღმოსავლეთ ევროპის სწავლების ცენტრი (EESC), სლოვაკეთის რესპუბლიკის გლობალური უსაფრთხოების ფორუმი (GLOBSEC), საქართველოს პოლიტიკის ინსტიტუტი (GIP), ბიზნეს საკონსულტაციო ორგანიზაციების ასოციაცია (ABCO), ორგანიზაცია „ათინათი", ახალგაზრდა მეცნიერთა კავშირი „ინტელექტი" და ასოციაცია „კავკასიური გენეტიკა". პროექტის მიზანია ქართული არასამთავრობო და ბიზნეს ორგანიზაციების შესაძლებლობების გაძლერება და ცნობადობის ამაღლება ღრმა და ყოველისმომცველი თავისუფალი ვაჭრობის შესახებ შეთანხმებისა და მცირე ბიზნესის განვითარების სტრატეგიის განხორციელების პროცესში.

შეხვედრაზე ყურადღება გამახვილდა საქართველოსა და ევროკავშირს შორის თანამშრომლობასა და ამ მიმართულებით მიმდინარე რეფორმებზე.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს

რუსეთის უდიდესმა ნავთობგადამამუშავებელმა ქარხანამ დრონებით თავდასხმის შემდეგ მუშაობა შეაჩერა

უკრაინის საგარეო საქმეთა მინისტრმა ანკარაში განაცხადა, რომ კიევი მზადაა რუსეთთან „უპირობო ცეცხლის შეწყვეტისთვის“

რუტე: მომავალი წლისთვის ალიანსს ექნება შესაძლებლობა, ყოველწლიურად 4 მლნ-მდე ჭურვი აწარმოოს