ვოლსკი ჟურნალისტებს: თქვენ გინდათ, ეს თემა გაბეროთ და წამოწიოთ

2017-04-11 15:00:03, 2366 ნახვა

პოლიტიკა კომენტარი

საქართველოს პარლამენტის ვიცე-სპიკერი გია ვოლსკი სამთავრობო ცვლილებების შესახებ ინფორმაციას პოლიტიკურ სპეკულაციას უწოდებს.

ჟურნალისტის კითხვაზე, მოსალოდნელია თუ არა, რომ იუსტიციის მინისტრის პოსტზე თეა წულუკიანი ეკა ბესელიამ ჩაანაცვლოს, ვოლსკიმ აღნიშნა, რომ მსგავსი საუბრები უსაფუძვლოა.

„ათასგვარი ჭორი ვრცელდება, მაგრამ ხშირ შემთხვევაში ეს ჭორი პოლიტიკურ სპეკულაციებთან, პოლიტიკურ პოზიციებთანაა დაკავშირებული. ვამბობ, რომ ეს საუბარი საფუძვლიანი არ არის და თქვენ გინდათ, ეს თემა გაბეროთ და წამოწიოთ“, - უპასუხა ვოლსკიმ ჟურნალისტებს.

ცნობისთვის, ვრცელდებოდა ინფორმაცია, რომ იუსტიციის მინისტრის თეა წულუკიანის თანამდებობა შესაძლოა, იურიდიულ საკითხთა კომიტეტის თავმჯდომარემ ეკა ბესელიამ დაიკავოს. თეა წულუკიანი ამ დროისთვის დეკრეტშია გასული. მინისტრის მოვალეობებს მისი მოადგილე ალექსანდრე ბარამიძე ასრულებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან