პრეზიდენტის მოწვევით, დღეს უშიშროების საბჭოს სხდომა გაიმართება

2017-03-23 08:31:41, 1186 ნახვა

საზოგადოება

საქართველოს პრეზიდენტის მოწვევით, ეროვნული უშიშროების საბჭოს სხდომა დღეს 17:00 საათზე, საქართველოს პრეზიდენტის რეზიდენციაში გაიმართება.

როვორც "ექსპრესნიუსს" პრეზიდენტის ადმინისტრაციიდან აცნობეს, სხდომის დღის წესრიგით გათვალისწინებულია შემდეგი საკითხების განხილვა:

1. შავი ზღვის რეგიონში არსებული უსაფრთხოების გარემო
მომხსენებელი: საქართველოს ეროვნული უშიშროების საბჭოს მდივანი დათუნა რაქვიაშვილი
თანამომხსენებლები: საგარეო საქმეთა მინისტრის მოადგილე დავით დონდუა, შეირაღებული ძალების გენერალური შტაბის უფროსი, ბრიგადის გენერალი ვლადიმერ ჩაჩიბაია.

2. საქართველო-ნატო:
2.1 საქართველოს მონაწილეობა შავი ზღვის უსაფრთხოების დიალოგში და თანამშრომლობის ფორმატები
2.2. საქართველო-ნატოს პარტნიორობის დღის წესრიგი
მომხსენებელი: დავით დონდუა
თანამომხსენებლები: საქართველოს თავდაცვის მინისტრი ლევან იზორია, დათუნა რაქვიაშვილი

3. რეფორმები თავდაცვის სამინისტროში
მომხსენებელი: ლევან იზორია
თანამომხსენებელი: ვლადიმერ ჩაჩიბაია

4. საქართველოს ეროვნული უსაფრთხოების სისტემა ჰიბრიდული საფრთხეების ფონზე და საქართველოს პრეზიდენტის ინიციატივა: „საქართველოს ეროვნული უშიშროება - ერთიანი ეროვნული მიდგომა“

მომხსენებელი: დავით რაქვიაშვილი

ეროვნული უშიშროების საბჭოს სხდომაში მონაწილეობის მისაღებად მოწვეულნი არიან საბჭოს მუდმივი წევრები და საგარეო საქმეთა მინისტრის მოადგილე დავით დონდუა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან