ნაძალადევის რაიონში, თემქაზე, ურეკის ქუჩის №4-ში ახალი საბავშვო ბაგა-ბაღის მშენებლობის ძირითადი ნაწილი დასრულებულია. 

მშენებარე ბაღში დღეს, თბილისის მერი დავით ნარმანია, საბავშვო ბაგა-ბაღების მართვის სააგენტოს ხელმძღვანელი თემურ თორდინავა და ნაძალადევის რაიონის გამგებელი ირაკლი ხელაძე იმყოფებოდნენ და მიმდინარე სამუშაოებს გაეცნენ.

მერიის ინფორმაციით, ახალი ბაღი ყოფილი №113-ე ბაღის ტერიტორიაზე მდებარეობს. ორსართულიანი შენობა

1 483 კვადრატულ მეტრ ფართობზეა განთავსებული. ბაღში 10 ჯგუფი, მათ შორის ორი ბაგა გაიხსნება და სკოლამდელი განათლების მიღებას 400-მდე ბავშვი შეძლებს. ახალ საბავშვო ბაღში 65-მდე ადამიანი დასაქმდება. შენობა ადაპტირებული იქნება განსაკუთრებული საჭიროების მქონე ბავშვებისთვის.

„მიმდინარეობს საბავშვო ბაღების მშენებლობის მონიტორინგი მთელი ქალაქის მასშტაბით. ამ ეტაპზე პარალელურად ათზე მეტი ბაღი შენდება. კონკრეტულად ეს ბაღი, რომელიც თემქის მოსახლეობას მოუხსნის პრობლემას, გაიხსნება სექტემბერში. მანამდე ბაღი დასრულდება და აღიჭურვება“, - განაცხადა დავით ნარმანიამ.

ურეკის ქუჩაზე ახალი საბავშვო ბაღის მშენებლობა გასულ წელს დაიწყო და პირველი ნაკადის მიღებას 2017 წლის სექტემბრიდან შეძლებს. თბილისში ახალი ბაგა-ბაღების მშენებლობა გრძელდება . სექტემბრისათვის დედაქალაქს  ხუთი ახალი ბაღი შეემატება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„საწვავის კრიზისი სოციალურ კრიზისში გადაიზრდება“ - ВЦИОМ პუტინის მოწონების რეიტინგის ყველაზე მკვეთრი ვარდნა დააფიქსირა ბოლო რვა წლის განმავლობაში

GITA-ს ორგანიზებით და ბაზისბანკის მხარდაჭერით ზუგდიდის ტექნოპარკში აგრო-ჰაკათონი AgriHack 2026 გაიმართა

თურქეთი ერთიან ევროგადახდების სივრცეში გაწევრიანებას გეგმავს

1000 დღე ომის დაწყებიდან - თელ-ავივში მრავალათასიანი აქცია გაიმართა