სასჯელაღსრულებისა და პრობაციის მინისტრის მოადგილემ ზვიად მიხანაშვილმა  N 5 პენიტენციურ დაწესებულებაში მყოფ მსჯავრდებულ ქალბატონებს 8 მარტი მიულოცა.

ქალთა საერთაშორისო დღესთან დაკავშირებით მსჯავრდებული ქალბატონებისთვის  კონცერტი გამართა ტექნიკური უნივერსიტეტის ვოკალურ-ინსტრუმენტულმა ანსამბლმა „ქალდეამ“, მამა პეტრემ კი მათთვის  საკუთარი ლექსები წაიკითხა. 

სასჯელაღსრულებისა და პრობაციის მინისტრის მოადგილე ზვიად მიხანაშვილი  პენიტენციური დაწესებულებაში  არსებულ დედათა და ბავშვთა  სახლსაც ესტუმრა, სადაც მსჯავრდებულ ქალბატონებთან ერთად, მათი შვილებიც იმყოფებიან.

„N5 პენიტენციურ დაწესებულებაში  მყოფ ქალბატონებს  8 მარტი მივულოცეთ. ასევე, ვიყავით  დედათა და ბავშვთა სახლში და იქ მყოფ მსჯავრდებულებს დეტალური ინფორმაცია მივაწოდეთ დაგეგმილ ცვლილებებზე, რომელიც მათ ყოფას გაუადვილებთ“, - განაცხადა სასჯელაღსრულებისა და პრობაციის მინისტრის მოადგილემ. 

ზვიად მიხანაშვილი  მსჯავრდებულებს  ესაუბრა იმ საკანონმდებლო ცვლილების შესახებ,  რომლის დამტკიცების შემდგომ ქალ მსჯავრდებულებს შესაძლებლობა ექნებათ, დაწესებულებიდან ბავშვის გაყვანის შემდეგ  ერთი წლის განმავლობაში,  დასვენებისა და უქმე დღეებში შვილი მოინახულონ. 

„ყველა ადამიანს სჭირდება მხარში დგომა და განსაკუთრებით მათ,  ვინც საპატიმროში იმყოფება. გვინდა  ქალ მსჯავრდებულებს  ტკივილი შევუმსუბუქოთ და ეს დღე გავულამაზოთ“,- განაცხადა მამა პეტრემ.

სტუმრები  იმყოფებოდნენ დაწესებულებაში არსებულ სამლოცველოსა და სილამაზის სალონში,  ასევე, დაათვალიერეს მსჯავრდებულთა ნამუშევრების გამოფენა.  

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივნისში წლიური ინფლაციის დონემ 5.8% შეადგინა - საქტატი

ევროკავშირის ახალი ინიციატივები აზერბაიჯანისთვის და სომხეთისთვის, საქართველო ბორტს მიღმაა

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90