2 მარტიდან მომხმარებელს საშუალება ექნება რუსთავში ისარგებლოს როგორც უნივერსალური საფოსტო მომსახურებით, ასევე სხვა საფოსტო პროდუქტებით. „საქართველოს ფოსტის“ განახლებული სერვისცენტრის პრეზენტაცია რუსთავში დღეს გაიმართა, რომელსაც ეკონომიკის სამინისტროს კავშირგაბმულობის, საინფორმაციო ტექნოლოგიებისა და ინოვაციების დეპარტამენტის უფროსი ეკატერინე ყუბუსიძე, რუსთავის მერი დავით ჯიქია და სხვა მოწვეული სტუმრები ესწრებოდნენ.

პროფესიონალებით დაკომპლექტებული განახლებული სერვისცენტრები, მომხმარებელს მომსახურების  ახალ სტანდარტს და ახალ პროდუქტებს შესთავაზებენ.

„საქართველოს ფოსტა“ უზრუნველყოფს მომხმარებლისთვის მაქსიმალური  კომფორტის შექმნას. სერვისცენტრები აღიჭურვება თანამედროვე  ავეჯით და ტექნიკით, განახლებული და ავტომატიზირებული ტექნოლოგიებით, რაც მნიშვნელოვნად გაზრდის მომსახურების ხარისხს.

როგორც „საქართველოს ფოსტაში“ აცხადებენ, კომპანიის  მიზანია გახდეს ლიდერი ბრენდი საფოსტო გზავნილებში როგორც ქვეყნის შიგნით, ასევე მის ფარგლებს გარეთ.

„საქართველოს ფოსტა“  ერთ ერთი ყველაზე დიდი დამსაქმებელი კომპანიაა საქართველოში. დასაქმებულთა რაოდენობა  2673 შეადგენს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოჯთაბა ხამენეი მამის დაკრძალვას, სავარაუდოდ, ვერ დაესწრება

5 ივლისი გაორმაგების დღეა - მომხმარებლებს 500-ზე მეტ პარტნიორ ობიექტში 50%-იანი ფასდაკლება დახვდებათ

რა წერია OHCHR-ის ანგარიშში 2025 წელს საქართველოში ადამიანის უფლებებთან დაკავშირებით

შიო III პრორუსული პარტიის ლიდერს ზურა მახარაძეს შეხვდა