მთავარი პროკურორის მოადგილე ირაკლი შოთაძე მოქალაქეებს ბიზნესმენის ბესიკ ხარძიანის მკვლელობასთან დაკავშირებით პროკურატურასთან თანამშრომლობისკენ მოუწოდებს. 

როგორც შოთაძემ „მაესტროს“ ეთერში განაცხადა, ამისთვის არსებობს ცხელი ხაზი, სადაც პროკურორები 24 საათიან რეჟიმში მორიგეობენ. 

მისივე ინფორმაციი, პროკურატურას  ჯერ მხოლოდ ერთი მოქალაქე დაუკავშირდა, რომლის კონფიდენციალურობაც დაცულია. 

„ვთხოვ საზოგადოებას, დავივიწყოთ ქართული მენტალობა და პროკურატურას ყველაფერი ვაცნობოთ, რაც ამ კონკრეტული შემთხვევის შესახებ ვიცით. დღესდღეობით ჩვენ ამ თხოვნის შედეგად მოგვმართა მხოლოდ ერთმა მოქალაქემ, რომლის კონფიდენციალურობა დაცული იქნება და მინდა კიდევ ერთხელ ვთხოვო საზოგადოებას, რომ უფრო მეტი აქტიურობა გამოიჩინონ, ვინაიდან როგორც აღინიშნა, ეს დანაშაული მოხდა ქალაქის ცენტრში , დღისით, შესაბამისად, ჩვენ ვფიქრობთ, რომ გაცილებით მეტი მოქალაქე ფლობს ინფორმაციას მომხდარი დანაშაულის შესახებ.  ვთხოვთ მათ, დაგვეხმარონ ამ დანაშაულის გამოძიებაში“, – აღნიშნა შოთაძემ. 

ცნობისთვის, ბესიკ ხარძიანი რამდენიმე დღის წინ საკუთარი სახლის სადარბაზოში მოკლეს, მას უცნობმა პირმა ცეცხლსასროლილი იარაღიდან ესროლა. ბესიკ ხარძიანი კუს ტბის აქციებს ფლობდა.  ოჯახის წევრები მკვლელობას გიორგი უდესიანს უკავშირებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა