2017-02-22 15:49:05, 1887 ნახვა

---

ევროკავშირის მუდმივი წარმომადგენლების საბჭომ საქართველოს ვიზალიბერალიზაციასა და ე.წ. შეჩერების მექანიზმს მხარი დაუჭირა

ევროკავშირის მუდმივი წარმომადგენლების საბჭომ (COREPER) საქართველოს ვიზალიბერალიზაციასა და ე.წ. შეჩერების მექანიზმს მხარი დაუჭირა.

როგორც „რადიო თავისუფლების" ბრიუსელის კორესპონდენტი რიკარდ იოზვაკი Twitter-ის საკუთარ გვერდზე წერს, ევროკავშირის საბჭო საქართველოს ვიზალიბერალიზაციის საკითხზე 27 თებერვალს იმსჯელებს.

”ევროკავშირის ელჩებმა მწვანე შუქი მისცეს შეჩერების მექანიზმს და საქართველოს ვიზალიბერალიზაციას. ევროკავშირის მინისტრები ამას 27 თებერვალს დაამტკიცებენ”, - წერს იოზვაკი.

შეგახსენებთ, რომ ევროპარლამენტმა საქართველოს ვიზალიბერალიზაციას 2 თებერვალს, პლენარულ სხდომაზე დაუჭირა მხარი. 553 ევროპარლამენტარი უვიზო მიმოსვლის დაწესების მომხრე იყო, ხოლო 66 წინააღმდეგი.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი