მდინარაძე საგამოძიებო კომისიის შექმნის უფლების საპარლამენტო უმცირესობისთვის მინიჭებაზე, შეთანხმებას არ გამორიცხავს

2017-02-14 17:53:30, 2133 ნახვა

პოლიტიკა კომენტარი

საპარლამენტო უმრავლესობის წევრის მამუკა მდინარაძის განცხადებით, კონსტიტუციონალისტების ინიციატივა, რომლის თანახმადაც, დროებითი საგამოძიებო კომისიის შექმნის უფლებამოსილება, საპარლამენტო უმცირესობას უნდა გააჩნდეს, საკმაოდ პოზიტიურია და არ გამორიცხავს, ამ საკითხზე ოპტიმალური შეთანხმება მოხდეს.

მისივე თქმით, აღნიშნული საკითხზე საკონსტიტუციო კომისიის სხდომაზე უნდა იმსჯელონ და გადაწყვეტილება მიიღონ:

„ეს სამსჯელო საკითხია. არ გამოვრიცხავ, რომ ამ საკითხთან დაკავშირებით იყოს ოპტიმალური შეთანხმება, თუმცა გადაწყვეტილება მიღებული არ არის, რადგან გუნდში ამასთან დაკავშირებით ჩამოყალიბებული პოზიცია არ გვაქვს“,-განაცხადა მამუკა მდინარაძემ.

ცნობისთვის, კონსტიტუციონალისტ ვახუშტი მენაბდის ინიციატივით, დროებითი საგამოძიებო კომისიის შექმნის უფლებამოსილება საპარლამენტო უმცირესობას უნდა ჰქონდეს. აღსანიშნავია, რომ ამ კომისიის შექმნის უფლებამოსილება ამჟამად მხოლოდ საპარლამენტო უმრავლესობას გააჩნია.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან