მეუფე იაკობი: ვიღაც რაღაცას თუ აკეთებდა, მარტო ვერ გააკეთებდა

2017-02-13 19:00:32, 2262 ნახვა

საზოგადოება კომენტარი

მეუფე იაკობი მაღალი იერარქიის სასულიერო პირის მკვლელობის მომზადების საქმეზე საუბრისგან თავს იკავებს.

"სანამ გამოძიება მიმდინარეობს, რამის თქმა არ მინდა. ვიღაც რაღაცას თუ აკეთებდა, მარტო ვერ გააკეთებდა. პატრიარქის დაცვა გაძლიერდა, იცავს სახელმწიფო დაცვის სპეციალური სამსახური", - აღნიშნა იაკობი.

შეგახსენებთ, საქართველოს მთავარი პროკურორის, ირაკლი შოთაძის ინფორმაციით, 2017 წლის 10 თებერვალს საქართველოს პროკურატურის თანამშრომლების მიერ ჩატარებული საგამოძიებო მოქმედებების შედეგად მკვლელობის მომზადების ფაქტზე ბრალდებულის სახით დაკავებული იქნა დეკანოზი გიორგი მამალაძე, დანაშაულისთვის, რაც გათვალისწინებულია საქართველოს სისხლის სამართლის კოდექსის 18-108-ე მუხლით.

უწყების ინფორმაციით, მამა გიორგი მამალაძე, გერმანიაში გამგზავრებას გეგმავდა, სადაც პატრიარქს ოპერაცია უტარდებოდა. აეროპორტში დაკავებისას, მას "ნატრიუმის ციანიდი" აღმოუჩინეს. დაკავებული დანაშაულს არ აღიარებს და დუმილის უფლებას იყენებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან