პრეზიდენტის მრჩევლის  პოლიტიკურ საკითხებში ფიქრია ჩიხრაძის განცხადებით, როცა მოსამართლეთა თავისუფლებასთან დაკავშირებით რაიმე კითხვის ნიშნები ჩნდებოდა, პრეზიდენტი ვითარებით ყოველთვის ინტერესდებოდა.

ამის შესახებ ფიქრია ჩიხრაძემ "რუსთავი 2"-ის საქმის მოსამართლეებზე შესაძლო ზეწოლის ფაქტთან დაკავშირებით დასმულ კითხვაზე საპასუხოდ განაცხადა.

ჩიხრაძის განმარტებით, ამ ეტაპზე მხოლოდ იმის თქმა შეუძლია, რომ პრეზიდენტი ძალიან აქტიურად აპირებს აღნიშული საკითხის გარშემო ინფორმაციის მოძიებაში ჩაერთოს.

"და ყველა იმ ღონისძიებაში რომელიც ამ კითხვის ნიშნებს პასუხს გასცემს. ეს რთული თემაა. როდესაც მოსამართლეები ლაპარაკობენ გარკვეულ ზეწოლაზე, ეს უბრალოდ მითქმა-მოთქმა აღარაა, ეს არის ოფიციალური პროცესი და პრეზიდენტი აქტიური იქნება", - განაცხადა ფიქრია ჩიხრაძემ.

შეგახსენებთ, რომ უზენაესი სასამართლოს მოსამართლეებმა, ბესარიონ ალავიძემ და პაატა ქათამაძემ, რომლებიც „რუსთავი 2“-ის საქმეს განიხილავდნენ, მათ საქმიანობაში ჩარევის შესაძლო ფაქტზე გამოძიების დაწყების მოთხოვნით პროკურატურას მიმართეს. აღნიშნულ ფაქტთან დაკავშირებით გამოძიება 14 იანვარს დაიწყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ილია თოფურია ჯასტინ გეიჯს - ეს ისტორია ჩვენს შორის შორსაა დასრულებისგან, ჩვენ გვექნება ჩვენი რემატჩი

ტრამპმა განაცხადა, რომ ირანის შემდეგ ის უკრაინაში ომზე „კონცენტრირდება“.

სქროლვა-სქრინვის (ცენზურის) დეპარტამენტმა სასამართლოებს უკვე 60 საქმე გადასცა

Amnesty — საქართველოს ხელისუფლებას: შეწყვიტეთ ცილისწამება, გააუქმეთ კანონები და გამოიძიეთ ძალადობა