2017-01-25 00:24:33, 1532 ნახვა
საზოგადოება
რუსთაველის გამზირზე ერთმანეთს სამი ავტომობილი შეეჯახა - შემთხვევას ახალგაზრდა გოგონა ემსხვერპლა
თბილისში, რუსთაველის გამზირზე ავტოავარია მოხდა.
არსებული ინფორმაციით, ერთმანეთს სამი ავტომობილი შეეჯახა. შემთხვევა მსხვერპლით დასრულდა. გარდაცვლილია ახალგაზრდა გოგონა. არიან დაშავებულებიც.
ამ დროისთვის, შემთხვევის ადგილზე მობილიზებული არიან საპატრულო და სასწრაფო დახმარების ბრიგადები. ავტოსაგზაო შემთხვევა სავარაუდოდ გადაჭარბებულმა სიჩქარემ გამოიწვია.
როგორც შს სამინისტროში აცხადებენ, გამოძიება სისხლის სამართლის კოდექსს 276-ე მუხლით მიმდინარეობს.
ავტოსაგზაო შემთხვევის გამო რუსთაველის გამზირი ამ დრომდე გადაკეტილია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
