2017-01-05 19:27:00, 2948 ნახვა
მსოფლიო
გერმანიაში შოკოლადის ქურდობისთვის 2 ქართველი მამაკაცი დააკავეს
გერმანიის ქალაქ კიონიგსბრუკში შოკოლადის ქურდობისთვის საქართველოს ორი მოქალაქე დააკავეს, - ამის შესახებ ინფორმაციას გერმანული გამოცემა sz-online ავრცელებს.
მედია საშუალების ინფორმაციით, 35 და 29 წლის ქართველმა მამაკაცებმა, მაღაზიიდან 37 ფილა შოკოლადი მოიპარეს და ადგილიდან ავტომობილით მიიმალნენ.
გამოცემის ინფორმაციით, შემთხვევა ორშაბათს მოხდა. გერმანელმა სამართალდამცველებმა ეჭვმიტანილები ცხელ კვალზე დააკავეს.
პოლიციამ მათ ავტომობილის სერიული ნომრით მიაგნო. ავტომობილში, სამართალდამცველებმა 200 ევროს ღირებულების საკონდიტრო ნაწარმი აღმოაჩინეს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
