2016-12-14 11:56:08, 980 ნახვა
საზოგადოება
ამ ეტაპზე მეტროს ყველა სადგური მგზავრებს შეუფერხებლად ემსახურება
თბილისის მეტროს პირველი ხაზის ყველა სადგურზე 11:18 საათიდან მოძრაობა სრულად აღდგა. ინფორმაციას თბილისის სატრანსპორტო კომპანია ავრცელებს.
სატრანსპორტო კომპანიის შესაბამისმა სამსახურებმა მეტროსადგურ „სამგორში“ არსებული ძაბვის მიწოდების პრობლემა აღმოფხვრეს.
შეგახსენებთ, 09:55 საათზე სადგურ „სამგორში“, საკონტაქტო რელსზე ძაბვის მიწოდების შეფერხების გამო, პირველ ხაზზე მატარებლები მოძრაობდნენ ზონურად, „ახმეტელის თეატრიდან“ „300 არაგველამდე“.
ამ ეტაპზე მეტროს ყველა სადგური მგზავრებს შეუფერხებლად ემსახურება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
