საქართველოში მყოფ უცხოელებს ბინადრობის ნებართვის მოსაპოვებლად შეღავათიანი პირობები ექნებათ. 

აღნიშნულს „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ კანონპროექტი ითვალისწინებს. 

პროექტის თანახმად, ბინადრობის ნებართვის სახეებს დაემატება ახალი – მოკლევადიანი ბინადრობის ნებართვა, რომელიც გაიცემა უცხოელზე, რომელსაც საქართველოს ტერიტორიაზე უძრავ ნივთზე, გარდა სასოფლო–სამეურნეო დანიშნულების მიწისა, საკუთრების უფლება გააჩნია. ამ უძრავი ნივთის საბაზრო ღირებულება კი 35000 აშშ დოლარის ეკვივალენტ ლარს უნდა აღემატებოდეს. ამავე უცხოელებისთვის, საიმიგრაციო ვიზების კატეგორიას დაემტება ახალი D5 კატეგორია. 

„მრავალჯერადი მოკლევადიანი ვიზა, რომელიც როგორც წესი გაიცემა არაუმეტეს 5 წლის მოქმედების ვადით. 90 დღიანი ყოფნის უფლებით (180-დღიან პერიოდში), ასევე შეიძლება გაიცეს 1 წლის ვადით, ყოფნის ვადის შეუზღუდავად, უცხოელზე, რომელსაც საქართველოს ტერიტორიაზე, კანონმდებლობით დადგენილი წესით, გააჩნია საკუთრების უფლება უძრავ ნივთზე (გარდა სასოფლო-სამეურნეო დანიშნულების მიწისა), რომლის საბაზრო ღირებულება აღემატება 35000 აშშ დოლარის ეკვივალენტ ლარს. აღნიშნული ტიპის ვიზები, პროექტის თანახმად, მიეკუთვნება საიმიგრაციო D5 კატეგორიის ვიზას. D5 კატეგორიის ვიზის მოქმედების იმავე ვადით გაგრძელება დასაშვებია, თუ პირი აკმაყოფილებს აღნიშნული ვიზის გაცემის პირობებს“, – ნათქვამია  განმარტებით ბარათში. 

აღნიშნული მოკლევადიანი ბინადრობის ნებართვა გაიცემა 1 წლის ვადით.  ამ ბინადრობის ნებართვის მოქმედების ვადა წყდება შესაბამის უძრავ ქონებაზე საკუთრების უფლების შეწყვეტის შემთხვევაში.
როგორც პროექტის ავტორები განმარტავენ, ეს ცვლილებები განპირობებული იქნა იმ გარემოებით, რომ უცხოელმა მოქალაქეებმა არანაკლებ  300 000 ლარის ოდენობის ინვესტიცია განახორციელონ და ამ გზით მუდმივი ბინადრობის ნებართვა მოიპოვონ. 

აღნიშნული კანონპროექტის ინიციატორი საქართველოს მთავრობაა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარგუს ცაჰკნა - ძალიან ვწუხვარ, რომ ქართული რეჟიმი აბსოლუტურად სხვა გზას მიჰყვება, არა ევროკავშირისკენ გზას

16-17 ივნისს თბილი და უმეტესად უნალექო ამინდია მოსალოდნელი, ხოლო 18 ივნისს გაწვიმდება

რუსული ავიაკომპანია Red Wings ბათუმისკენ ფრენებს კიდევ 6 ქალაქიდან შეასრულებს

თენგიზ შარმანაშვილი პოლიციელების მხრიდან ძალადობაზე - კიდევ მოხდება ხვალაც, ზეგაც