საქართველოს შრომის ჯანმრთელობისა და სოციალურ დაცვის სამინიტროს  სსიპ - სოციალური მომსახურების სააგენტო 16 დეკემბერს დასაქმების ფორუმს აწყობს.

ფორუმი „ექსპო-ჯორჯიას“ მესამე პავილიონში (ქ.თბილისი,ა.წერეთლის გამზ N118) დილის 10:00-დან 16:00 საათამდე გაიმართება. მასში მონაწილეობას მიიღებს 40 მსხვილი და საშუალო დამსაქმებელი, რომლებიც აქტიურ ვაკანსიებს წარმოადგენენ. 

სამუშაოს მაძიებლებს ფორუმზე შესაძლებლობა ექნებათ პირადად  გაესაუბრონ პოტენციურ დამსაქმებლებს, გააცნონ თავისი CV, სამუშაო გამოცდილება, უნარ-ჩვევები და მიიღონ ინფორმაცია შრომით  ბაზარზე არსებული ვაკანსიების შესახებ. კომპანიებს ვაკანსიები ექნებათ ძირითადად, მომსახურების და წარმოების  სფეროდან.

დასაქმების ფორუმში მონაწილეობის მსურველ პირებს უკვე შეუძლიათ რეგისტრაცია სახლიდან გაუსვლელად სოციალური მომსახურების სააგენტოს  საიტის მეშვეობით.

www.ssa.gov.ge-ზე განთავსებული  სპეციალური ბანერის მეშვეობით შესაძლებელია worknet.gov.ge-ს შესაბამის ბმულზე გადასვლა და რეგისტრაცია.

ვისაც ონლაინ- რეგისტრაციაზე არ მიუწვდება ხელი, შეუძლია  სოციალური მომსახურების სააგენტოს ახლომდებარე  ტერიტორიულ ერთეულს მიმართოს, სადაც რეგისტრაციაში დაეხმარებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ადმინისტრაცია ადასტურებს, რომ მიხეილ ყაველაშვილი ირანში აიათოლა ალი ხამენეის დაკრძალვის ცერემონიალს დაესწრება

გახარიას პარტიამ პარლამენტში ჩხუბზე გამოძიების მოთხოვნით პროკურატურას მიმართა

„თეგეტამ“ საგზაო-სამშენებლო სექტორის წარმომადგენლებს ბიზნესის მხარდაჭერის კონცეფცია გააცნო

დიდი ბრიტანეთი თავდაცვის ბიუჯეტს დამატებით 15 მილიარდი გირვანქით ზრდის