შინაგან საქმეთა მინისტრის მოადგილე დავით ვარდიაშვილმა და შსს-ს მომსახურების სააგენტოს დირექტორმა დათო ნიკოლეიშვილმა გამწვანების აქციაში მიიღეს მონაწილეობა.

შსს-ს მომსახურების სააგენტოს დირექტორის ინიციატივით, მომსახურების სააგენტომ პროექტი - „გაამწვანე სამუშაო გარემო“ დაიწყო.

აქციის ფარგლებში, სააგენტოს 100-მდე თანამშრომელმა ქალაქ რუსთავში, შენობის მიმდებარე ტერიტორიაზე სხვადასხვა ჯიშის - ფიჭვის, იფანის და კვიპაროსის 300-მდე ხე დარგო. ღონისძიებას შსს-ს საპატრულო პოლიციის დეპარტამენტის დირექტორი გოგა რაზმაძეც შეუერთდა და აქციაში თავისი წვლილი შეიტანა.

პროექტში „გაამწვანე სამუშაო გარემო“ მომსახურების სააგენტოს ყველა თანამშრომელი ჩაერთვება. სააგენტოს რეგიონული დანაყოფების მიმდებარე ტერიტორიაზე კი ხეები ეტაპობრივად დაირგვება.

აქციის მიზანია გარემოზე ზრუნვა და ეკოლოგიური პრობლემების დაძლევაში მონაწილეობის მიღება.

მომსახურების საგენტოს თანამშრომლები მათ მიერ დარგული ხეების მოვლას მომავალშიც გააგრძელებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს