ბელგიის სამეფოში საქართველოს საელჩოსა და კათედრალის მეგობართა ფონდის ორგანიზებით, 17 ნოემბერს, ბრიუსელის წმინდა მიქაელის და გუდულას სახელობის საკათედრო ტაძარში გაიმართა კლასიკური მუსიკის კონცერტი გურამ ყურაშვილის სახელობის აფხაზეთის საგუნდო კაპელას მონაწილეობით.

საგარეო საქმეთა სამინისტროს ინფორმაციით, კონცერტიდან შემოსული თანხა მთლიანად მოხმარდება კათედრალის ერთ-ერთი ვიტრაჟის ''განკითხვის დღე'' რეაბილიტაციას.

კონცერტს 800-მდე სტუმარი დაესწრო, მათ შორის ბრიუსელში აკრედიტებული დიპლომატიური კორპუსის, ევროკავშირის ინსტიტუტების და ბელგიის სამეფოს ხელისუფლების წარმომადგენლები. სტუმართა შორის ასევე იყვნენ მეფე ბუდუაენის ფონდის წარმომადგენლები.

ბელგიის სამეფოში საქართველოს საელჩოს აქტიური ხელშეწყობითა და ორგანიზებით,  გურამ ყურაშვილის სახელობის აფხაზეთის საგუნდო კაპელა ბრიუსელს 14 ნოემბერს ეწვია.

საგუნდო კაპელას ბრიუსელის ვოლუვე სენ პიერის მერიამ უმასპინძლა. 15 ნოემბერს გუნდის წევრებს ვოლუვე სენ პიერის მერი, ბენუა კორექსი შეხვდა, რომელმაც იმედი გამოთქვა, რომ ქართული კაპელას მონაწილეობა ბრიუსელის კულტურულ ცხოვრებაში ტრადიციად იქცევა.

მერიაში შეკრებილ სტუმრებს სიტყვით მიმართა საქართველოს ელჩმა, ნატალი საბანაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს