2016-11-17 11:13:02, 753 ნახვა
საზოგადოება
კასპში უბედურ შემთხვევას ახალგაზრდა მამაკაცი ემსხვერპლა
კასპის მუნიციპალიტეტის სოფელ გოსტიბეში უბედური შემთხვევა მოხდა.
არსებული ინფორმაციით, შეშით დატვირთული სატვირთო მანქანა დაგორდა და ხეს დაეჯახა.
ინციდენტის შედეგად 30 წლამდე მამაკაცმა სხეულის მძიმე დაზიანება მიიღო, თუმცა მისი გადარჩენა კასპის საავადმყოფოს ექიმებმა ვერ მოახერხეს.
როგორც "ექსპრესნიუსს" შინაგან საქმეთა სამინისტროში განუცხადეს, მომხდართან დაკავშირებით გამოძიება სსსკ-ის 276-ე მუხლის მე-5 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
