„დღევანდელი შეხვედრა ხაზს უსვამს, რომ პარტიული კუთვნილების მიუხედავად, ყველა პოლიტიკოსი ქვეყანას ემსახურება“

2016-11-16 17:49:34, 669 ნახვა

პოლიტიკა

ამ კედლებში, ამ დარბაზში, საქართველოს პარლამენტის შენობაში ათწლეულების განმავლობაში ძალიან ბევრი მნიშნელოვანი ღონისძიება გამართულა. ბევრი თქვენგანი მონაწილე ბრძანდებით ასეთი ღინისძიებების, საზეიმო ღონისძიებების, მიღებების. დღევანდელი ჩვენი შეხვედრა პრაქტიკულად უნიკალურია, ვინაიდან დღეს პარლამენტში იმართება ღონისძიება საკანონმდებლო ხელისუფლების უწყვეტობისა და მემკვიდრეობითობის აღსანიშნავად, - ამის შესახებ პარლამენტის მოქმედმა თავმჯდომარემ დავით უსუფაშვილმა განაცხადა.

როგორც უსუფაშვილმა აღნიშნა, დღევანდელი შეხვედრა ხაზს უსვამს იმას, რომ ყველა პოლიტიკოსი მიუხედავად მისი პარტიული კუთვნილებისა საქართველოს ემსახურება.

"დღეს მოწვეული ბრძანედებიან პარლამენტის წევრები, რომლებიც 4 წლის განმავლობაში შრომობდნენ ამ კედლებში და მოწვეული ბრძანდებით ახლადარჩეული პარლამენტის წევრები, რომელიც მომავალი 4 წლის განმავლობაში ჩვენ ქვეყანას გაუძღვებით. დღევანდელი შეკრებით, ჩვენ ყველას, გვინდა ხაზი გავუსვათ იმას, რომ თითოეული ჩვენგანი მიუხედავად იმისა, თუ რომელ პოლიტიკურ პარტიას ვეკუთვნით, ვართ გამარჯვებული, თუ ვართ დამარცხებული ამ კონკრეტულ არჩევნებში, ვემსახურებით საქართველოს. ჩვენს საერთო სამშობლოს, ჩვენს საერთო სახელმწიფოს და ამ სამსახურისთვის ვიყავით პარლამენტში და ამ სამსახურისთვის მობრძანდეით პარლამენტში, ისინი ვინც არჩევნების შემდეგ ჩაიბარებთ ამ მნიშვნელოვან ფუნქციას. ჩვენ ხაზს ვუსვამთ იმას, რომ სახელომწიფო სამსახური ეს არ არის პრივილეგია, ეს არ არის ჯილდო ეს არის საპატიო შრომა და ამ შრომისთვის, ამ თავდადებისთვის უნდა ვიყოთ ყველანი მზად", - განაცხადა უსუფაშვილმა.

მისივე თქმით, დღევანდელი შეხვედრა საქარტველოს მოსახლეობას აძლევს იმედს, რომ ქვეყანას ჰყავს ხელისუფლება.

"შევიკრიბეთ იმიტომ რომ, საქართველოს მოსახლეობას კიდევ ერთხელ მივცეთ იმედი, გავუღვივოთ რწმენა იმისა, რომ ქვეყანას ჰყავს ხელისუფლება, ჰყავდა ხელისუფლება და ეყოლება ახალი ხელისუფლება, რომელიც გაუძღვება ქვეყანას და უზრუნველყოფს შემდგომი არჩევნების ჩატარებას და ასე გაგრძელდება ჩვენი ცხოვრება. ჩვენ აღარ გვექნება სახელისუფლებო წყვეტები, ჩვენ აღარ გვექნება ისეთი მოვლენები, რომლებიც სამწუხაროდ ამ პარლამენტშიც და ამ კედლებშიც ვითარდებოდა მიუხედავად იმისა ვართ კმაყოფილები თუ ვართ ნაკლებად კმაყოფილები, მიუხედავად იმისა რა პოლიტიკური პრეტენზიები თუ კითხვები შეიძლება გვქონდეს ერთმანეთის მიმართ", - აღნიშნა დავით უსუფაშვილმა.

პარლამენტის თავმჯდომარის განცხადებით, მერვე მოწვევის პარლამენტი იყო "საკმაოდ საინტერესო დაწესებულება, ეს იყო პირველი კოალიციური უმრავლესობა საქართველოს საპარალამენტო ისტორიაში, ეს იყო მრავალპარტკიული ჭრელი პარლამენტი, ისეთივე ჭრელი და ისეთივე მრავალფეროვანი, როგორიც ქართული საზოგადოებაა".

"ამას ჰქონდა თავისი გამოწვევები, ამ სიჭრელემ შესაძლოა ბევრი გადაწყვეტილების მიღების შესაძლებლობა დააკარგვინა პარლამენტს. სამაგიეროდ ამ სიჭრელისგან შესაძლოა ცოტა შეცდომები დავუშვით", - აღნიშნა უსუფაშვილმა.