2016-11-12 17:11:08, 967 ნახვა
საზოგადოება
საქართველოს მორაგბეთა ეროვნული ნაკრები იაპონიასთან ანგარიშით 22:28 დამარცხდა
საქართველოს მორაგბეთა ეროვნული ნაკრები იაპონიასთან ანგარიშით 22:28 დამარცხდა.
ნოემბრის პირველი ტესტ-მატჩი, თბილისში, მიხეილ მესხის სახელობის სტადიონზე გაიმართა.
პირველი ტაიმი ქართველი მორაგბეების გამარჯვებით (12:8) დასრულდა, თუმცა მეორე ტაიმში ”ბორჯღალოსნები“ 10:20 დამარცხდნენ.
ქართველი მორაგბეებიდან ლელო ვიტო კოლელიშვილმა, ბექა ბიწაძემ და ვასილ ლობჟანიძემ დადეს, გარდასახვა მერაბ კვირიკაშვილმა შეასრულა.
"ბორჯღალოსნები" შემდეგ ტესტ-მატჩს სამოას წინააღმდეგ 19 ნოემბერს, თბილისში გამართავენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
