„ნაციონალური მოძრაობის“ ერთ-ერთი ლიდერის გიგი წერეთელის განცხადებით, მიხეილ სააკაშვილი უკრაინაში ოპოზიციურ ბრძოლას აგრძელებს.

როგორც წერეთელმა აღნიშნა, ოდესის ოლქის გუბერნატორის პოზიციაზე სააკაშვილმა კორუფციასა და კრიმინალს დიდი ბრძოლა გაუწია.

„ვინც თვლას ადევნებდა ბოლო წლებში ოდესის ოლქის გუბერნატორის თანამდებობაზე სააკაშვილის მუშაობას, ყველა ნახავდა, თუ რამდენი ბრძოლა იყო კორუფციის და კრიმინალის წინააღმდეგ. ალბათ ამ ეტაპზე იქ მეტ მნიშვნელოვანს ვეღარ გააკეთებდა. თავად სააკაშვილმაც თქვა, რომ ის ოპოზიციურ ბრძოლას აგრძელებს. მე მასთან გეგმებზე არ მისაუბრია, მაგრამ ის იწყებს ძალიან დიდ მოძრაობას, როგორც იცით დაფუძნდა ორგანიზაციაც და იყო საუბარი პარტიის შექმნაზე, დანარჩენზე ალბათ თავად ისაუბრებს ყველაფერზე”, - განაცხადა გიგი წერეთელმა.

შეგახსენებთ, რომ მიხეილ სააკაშვილმა ოდესის გუბერნატორის თანამდებობა დატოვა. მან უკრაინის ხელისუფლება კორუფციაში დაადანაშაულა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბრიტანეთმა რუსული „ჩრდილოვანი ფლოტის“ ტანკერი დააკავა

დრონის დარტყმები რუსეთში: ხანძარი ტულის რეგიონში მდებარე „აზოტის“ ქარხანაში

ტრამპის ადმინისტრაციამ 20 მდე მიგრანტი ცენტრალური აფრიკის რესპუბლიკაში გადაასახლა, მათ შორის არიან ქართველებიც

ტრამპი ირანთან შეთანხმების მიღწევას დაჰპირდა, თუმცა თეირანი რაიმე შეთანხმებას უარყოფს