პრეზიდენტის ადმინისტრაცია ძალისხმევებს არ იშურებდა, რომ მიხეილ სააკაშვილი განტევების ვაცად გამოეყვანა, თუმცა ეს არ გამოუვიდა, - ამის შესახებ უკრაინის გენერალური პროკურორის ყოფილმა მოადგილემ დავით საყვარელიძემ გამოცემა Gordonua-ს განუცხადა.

როგორც საყვარელიძემ აღნიშნა, მიხეილ სააკაშვილი საკმაოდ მაღალი დონის არაორდინალური პოლიტიკოსია და ის უკრაინას არ დატოვებს.

"სააკაშვილის მომდევნო ქმედებები მიმართული იქნება ეროვნული ცვლილებებისკენ. სააკაშვილი არ არის ის პიროვნება, რომელიც თანამდებობებს ებღაუჭება. ვთვლი, რომ ეს მისი მხრიდან სწორი გადაწყვეტილებაა. ის ბოლომდე იბრძოდა, რათა ყველა რესურსი მაქსიმალურად ამოეწურა, თუმცა ყველა კლანი გაერთიანებულია და მუშაობაში ხელს უშლიდნენ. მათ წინააღმდეგ ბრძოლა შეუძლებელი გახდა. მიხეილ სააკაშვილი უკრაინას არ დატოვებს და აქტიურ პოლიტიკურ საქმიანობას გააგრძელებს. თქვენ ამის შესახებ მალე გაიგებთ", - განაცხადა საყვარელიძემ.

შეგახსენებთ, რომ მიხეილ სააკაშვილმა ოდესის ოლქის გუბერნატორის პოსტი დატოვა. მან უკრაინის ხელისუფლება კორუფციაში დაადანაშაულა. მანამდე, თანამდებობიდან წასვლის გადაწყვეტილება ოდესის პოლიციის უფროსმა გია ლორთქიფანიძემ მიიღო.

ცნობისთვის, მიხეილ სააკაშვილის ოდესის ოლქის გუბერნატორის პოსტს 2015 წლის 30 მაისინდან იკავებდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოჯთაბა ხამენეი მამის დაკრძალვას, სავარაუდოდ, ვერ დაესწრება

5 ივლისი გაორმაგების დღეა - მომხმარებლებს 500-ზე მეტ პარტნიორ ობიექტში 50%-იანი ფასდაკლება დახვდებათ

რა წერია OHCHR-ის ანგარიშში 2025 წელს საქართველოში ადამიანის უფლებებთან დაკავშირებით

შიო III პრორუსული პარტიის ლიდერს ზურა მახარაძეს შეხვდა