დღეს საღამოს საქართველოს ოფიციალური ვიზიტით ეწვევა იტალიის  რესპუბლიკის საგარეო საქმეთა მინისტრი პაოლო ჯენტილონი.

საგარეო საქმეთა სამინისტროს ინფორმაციით, საქართველოში ოფიციალური ვიზიტის ფარგლებში 6-7 ნოემბერს იტალიის რესპუბლიკის საგარეო საქმეთა მინისტრი შეხვდრებს გამართავს  საქართველოს პრეზიდენტთან, პრემიერ-მინისტრთან და  საგარეო საქმეთა მინისტრთან.

უწყების ინფორმაციით, ქართველ კოლეგასთან გამართული შეხვედრის შემდგომ დაგეგმილია ორი ქვეყნის საგარეო საქმეთა მინისტრის ერთობლივი პრესკონფერენცია.

ვიზიტის ფარგლებში  საქართველოს საგარეო საქმეთა სამინისტროს, საქართველოში იტალიის საელჩოსა და საქართველოს სტრატეგიისა და საერთაშორისო ურთიერთობების კვლევის ფონდის ერთობლივი ორგანიზებით გაიმართება  ორი ქვეყნის საგარეო საქმეთა მინისტრის საჯარო გამოსვლა თემაზე -  „იტალია-საქართველოს ურთიერთობები და ევროპის მომავალი“.

ვიზიტის ფარგლებში პაოლო გენტილონი ასევე ეწვევა იუსტიციის სახლს, სადაც გაეცნობა საქართველოს რეფორმებს სახელმწიფო სერვისების სფეროში. 

იტალიის საგარეო საქმეთა მინისტრი  პატივს მიაგებს საქართველოს დაღულული მებრძოლების ხსოვნას და გვირგვინით შეამკობს გმირთა მემორიალს.

იტალიის საგარეო საქმეთა მინისტრის ბოლო ვიზიტი საქართველოში 2008 წლის  სექტემბერში გაიმართა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს