შინაგან საქმეთა სამინისტროს  მომსახურების სააგენტომ ქუთაისში, აკაკი წერეთლის სახელმწიფო უნივერსიტეტში, საგზაო მოძრაობის უსაფრთხოების კამპანიის პროექტის პრეზენტაცია და გამოფენა მოაწყო.

შსს-ს ინფორმაციით, ღონისძიებას შსს-ს მომსახურების სააგენტოს დირექტორი დათო ნიკოლეიშვილი, ქუთაისის მერი შოთა მურღულია, აკაკი წერეთლის სახელმწიფო უნივერსიტეტის რექტორი გიორგი ღავთაძე, შსს-ს საგზაო მოძრაობის უსაფრთხოების კამპანიის სახე, ევროპის ჩემპიონი დათა ქაჯაია, სტუდენტები და სხვა მოწვეული სტუმრები დაესწრნენ.

მათივე ცნობით, უნივერსიტეტის ეზოში მოწყობილ გამოფენაზე წარმოდგენილი იყო საგზაო მოძრაობის ბანერები, სააგენტოს სპორტული კლუბის ავტომანქანები, წარმატებული სპორტსმენების და ეროვნულ არქივში დაცული გასული საუკუნის ფოტოები, რომლებზეც აღბეჭდილია საქართველოში გაცემული პირველი მართვის მოწმობა, სარეგისტრაციო მოწმობა და სხვა თემატური საარქივო მასალა.

შსს-ს მომსახურების სააგენტოს თანამშრომლებმა უნივერსიტეტის სტუდენტებსა და მოწვეულ სტუმრებს საგზაო მოძრაობის უსაფრთხოების კამპანიის შესახებ დეტალური ინფორმაცია მიაწოდეს და საგზაო წესების დაცვის მნიშვნელობაზე ესაუბრნენ.

მომსახურების სააგენტოს დირექტორმა, დათო ნიკოლეიშვილმა ქუთაისის აკაკი წერეთლის უნივერსიტეტის სტუდენტებსა და დამსწრე საზოგადოებას შსს-ს საგზაო მოძრაობის კამპანიაში ჩართულობისთვის მადლობა გადაუხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს