2016-11-05 21:23:38, 836 ნახვა
საზოგადოება
ქუთაისში 45 წლამდე ასაკის მამაკაცი მოკლეს
ქუთაისში, ირაკლი აბაშიძის ქუჩაზე, 45 წლამდე ასაკის მამაკაცი მოკლეს.
გავრცელებული ინფორმაციით, მამაკაცს ცეცხლსასროლი იარაღიდან ესროლეს. მას ორი ჭრილობა აქვს მიყენებული.
თვითმხილველების განცხადებით, მამაკაცი ლომბარდში მუშაობდა და სახლში ბრუნდებოდა, რა დროსაც მას უცნობმა პირმა ესროლა.
,,პოლიეთილენის პარკით საჭმელი მიჰქონდა და უცებ ვიღაც მამაკაცი მოახტა ზურგზე. თავიდან წინააღმდეგობა გაუწია, შემდეგ კი უცნობმა ესროლა. მამაკაცი ადგილზე გარდაიცვალა“, - აცხადებენ თვითმხილველები.
როგორც შსს-ში აცხადებენ, მომხდარზე სისხლის სამართლის საქმე 108-ე მუხლით არის აღძრული, რაც განზრახ მკვლელობას გულისხმობს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
