საქართველოს საგარეო საქმეთა სამინისტროს ორგანიზებით, თბილისის საკრებულოში ქართული დიპლომატიის დღესთან დაკავშირებით სადღესასწაულო მიღება გაიმართა.

საზეიმო მიღებას სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე, საქართველოს პრეზიდენტი, საქართველოს პრემიერ-მინისტრი, პარლამენტის თავმჯდომარე, უზენაესი სასამართლოს თავმჯდომარე, აღმასრულებელი და საკანონმდებლო ხელისუფლების წევრები და საქართველოში აკრედიტებული დიპლომატიური კორპუსის წარმომადგენლები დაესწრნენ. ოფიციალურ სტუმრებს შორის იმყოფებოდა აჭარის ავტონომიური რესპუბლიკის მთავრობის თავმჯდომარე ზურაბ პატარაძე.

„ის, რომ საქართველოში დღეს მშვიდობიანი ვითარებაა და ქვეყანა დამაჯერებლად ადგას ევროკავშირისა და ევროატლანტიკური ალიანსისკენ მიმავალ გზას, ქართული დიპლომატიის პროფესიონალიზმისა და თავდადებული შრომის ნათელი გამოხატულებაა, - ამ სიტყვებით საქართველოს პრემიერ-მინისტრმა ქართველ დიპლომატებს დიპლომატის დღე მიულოცა. „უკვე ათ წელიწადზე მეტია, რაც ქართველი დიპლომატები აღვნიშნავთ ამ ძალიან მნიშვნელოვან დღესასწაულს. ეს არის შესანიშნავი საშუალება, ერთად შევიკრიბოთ და კიდევ ერთხელ სრულად გავიაზროთ დიპლომატის პროფესიის მნიშვნელობა", - განაცხადა გიორგი კვირიკაშვილმა.

პრემიერ-მინისტრმა ყველა ქართველ დიპლომატს დიპლომატის დღე კიდეც ერთხელ მიულოცა და მადლობა გადაუხადა დაუღალავი შრომისთვის, იმ საქმისთვის, რომელსაც ისინი საქართველოს ინტერესების დასაცავად ეწევიან. მთავრობის მეთაურმა გამოთქვა რწმენა, რომ ასეთი მაღალპროფესიონალი კადრებით დაკომპლექტებული დიპლომატიური სამსახური უახლოეს წლებში წარმატებით დაძლევს ქვეყნის წინაშე არსებულ ძალიან მნიშვნელოვან გამოწვევებს.

ქართული დიპლომატიის დღე კოლეგებს აჭარის ავტონომიური რესპუბლიკის მთავრობის თავმჯდომარემ ზურაბ პატარაძემაც მიულოცა. ზურაბ პატარაძე ბოლო 15 წლის განმავლობაში დიპლომატიური მისიით სხვადასხვა ქვეყანაში მოღვაწეობდა. მას მინიჭებული აქვს საგანგებო და სრულუფლებიანი ელჩის დიპლომატიური რანგი.

აღსანიშნავია, რომ 4 ნოემბერი ქართველი დიპლომატების პროფესიულ დღესასწაულად 2004 წელს დაწესდა და ცნობილი ქართველი მწერლისა და პირველი პროევროპელი საზოგადო მოღვაწის სულხან-საბა ორბელიანის დაბადების დღეს უკავშირდება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს