„ნაციონალური მოძრაობის“ წევრის ელენე ხოშტარიას ინფორმაციით,  ახალციხეში პარტიის შტაბის თანამშრომელს თავს დაესხნენ და ფიზიკურად გაუსწორდნენ.

ამის შესახებ ხოშტარიამ „რუსთავი 2“-ის ეთერში განაცხადა.

როგორც ხოშტარიამ აღნიშნა, „ნაციონალური მოძრაობის“ საარჩევნო შტაბის წევრს გუბერნატორის მანქანიდან გადმოსული ადამიანები ფიზიკურად გაუსწორდნენ.

„ცოტა ხნის წინ, ჩვენი დეპუტატი დათო დარჩიაშვილი დაგვიკავშირდა და გვითხრა, რომ საარჩევნო შეხვედრაზე, რომელზეც ის მიდიოდა ჩვენ მაჟორიტარულ კანდიდატთან ერთად და მას ბუნებრივია თან ახლდნენ ჩვენი შტაბის წევრები, ერთერთი ადამიანი, რომელიც იყო კამერით, მას დაეწია გუბერნატორის მანქანა, რომლიდანაც გამოვიდნენ ადამიანები და გუბერნატორის თანდასწრებით მას ფიზიკურად გაუსწორდნენ. გარდა ამისა, თავად გუბერნატორი ფაქტიურად მონაწილეობდა ამ ძალადობაში, რომელიც ღიად საუბრობდა, რომ მას არაფერი არ აინტერესებს და ყველა ადამიანი, ვინც „ნაციონალური მოძრაობასთან“  იქნება ასოცირებული, ასე მოექცევიან,“ - განაცხადა ელენე ხოშტარიამ.

მისი თქმით, შემთხვევას ბევრი მომსწრე ყავს და აქვე განაცხადა, რომ ისინი არასამთავრობო ორგანიზაციებს, დიპლომატიურ კორპუსს მიაწოდებენ ინფორმაციას და მათ საქმის კურსში ჩააყენებენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს