2016-10-24 14:41:43, 2232 ნახვა
მსოფლიო
პეტრო პოროშენკო იმედოვნებს, რომ უკრაინა ვიზალიბერალიზაციას ნოემბრის ბოლოს მიიღებს
უკრაინის პრეზიდენტის პეტრო პოროშენკოს განცხადებით, ევროკავშირი მიმდინარე წლის 24 ნოემბრამდე უკრაინისთვის უვიზო მიმოსვლასთან დაკავშირებით ყველა შიდა პროცედურას დაასრულებს, - ამის შესახებ სააგენტო Interfax-ი იუწყება.
პოროშენკომ იმედი გამოთქვა, რომ უკრაინა ვიზალიბერალიზაციას ნოემბრის ბოლოს მიიღებს.
„ეს 24 ნოემბერს მოხდება, რადგან ამ დღეს გაიმართება უკრაინა-ევროკავშირის სამიტი. შევთანხმდით, რომ ამ სამიტისთვის ყველა დოკუმენტი მზად იქნება“, - განაცხადა უკრაინის პრეზიდენტმა.
როგორც პოროშენკომ აღნიშნა, ევროპარლამენტის დეპუტატთა უმრავლესობა უკრიანისთვის უვიზო რეჟიმის დაწესებას მხარს უჭერს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
