"ნაციონალური მოძრაობის" ერთ-ერთი ლიდერის სერგო რატიანის შეფასებით, ის, რომ საქართველოს დელეგაციამ, უკრაინის მხარდასაჭერ რეზოლუციაზე კენჭისყრაში მონაწილეობა არ მიიღო, „სტრატეგიული მოკავშირის ღალატია". 

როგორც რატიანმა აღნიშნა, ეს ქმედება საქართველოს ძვირად დაუჯდება.

"ეს არის ჩვენი სტრატეგიული მოკავშირის და ჩვენი სტრატეგიული ინტერესების ღალატი. ეს ძვირად დაუჯდება საქართველოს. საქართველოს ხელისუფლება ამ დღეებში ძალიან ცუდად იქცევა საერთაშორის ასპარეზზე. ის კიდევ უფრო გადაიხარა რუსეთისკენ. რაც საქართველოს დელეგაციამ გააკეთა, ეს არის სამარცხვინო ფაქტი",- განაცხადა რატიანმა.

შეგახსენებთ, რომ ევროპის საბჭოს საპარლამენტო ასამბლეაზე საქართველოს პარლამენტის მუდმივმოქმედი საპარლამენტო დელეგაცია სტრასბურგში მანანა კობახიძის, ეკა ბესელიას, ზვიად კვაჭანტირაძისა და გუგული მაღრაძის მონაწილეობით იმყოფება.

საქართველოს დელეგაციამ უკრაინის მხარდასაჭერ რეზოლუციას მხარი არ დაუჭირეს, კენჭისყრას დეპუტატები არ დასწრებიან.

ცნობისთვის, დელეგაციის ერთ -ერთი წევრის ზვიად კვაჭანტირაძეს განცხადებით, კენჭისყრის დროს საქართველოს დელეგაცია შვეიცარიის დელეგაციას ხვდებოდა და შესაბამისად დარბაზში არ იმყოფებოდა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს