2016-10-11 14:23:53, 818 ნახვა
პოლიტიკა
ეკა მიშველაძის განცხადებით, უშიშროების საბჭოს მდივნის პოსტზე პეტრიაშვილის კანდიდატურა არ განხილულა
პრეზიდენტის პრესსპიკერის ეკა მიშველაძის განცხადებით, ეროვნული უშიშროების საბჭოს მდივნის პოსტზე ალექსი პეტრიაშვილის კანდიდატურა არ განხილულა.
ამის შესახებ მიშველაძემ ჟურნალისტის კითხვის საპასუხოდ განაცხადა, რომელიც უშიშროების საბჭოს მდივნად პეტრიაშვილის შესაძლო დანიშვნის შესახებ გავრცელებულ ინფორმაციას ეხებოდა.
„დღეს უშიშროების საბჭოს მდივნის კანდიდატურასთან დაკავშირებით კომენტარს არ გავაკეთებ. რაც შეეხება თქვენს მიერ დასახელებულ კანდიდატურას, განხილვა და კონსულტაცია არ ყოფილა“, - აღნიშნა ეკა მიშველაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
