სოფლის მეურნეობის სამინისტროს სამეცნიერო-კვლევითი ცენტრის დირექტორი ლევან უჯმაჯურიძე, სოფლის მეურნეობის სამინისტროს წარმომადგენლებთან ერთად, ჩინური მხარის მოწვევით, ჩინეთის სახალხო რესპუბლიკის სინძიანის პროვინციაში სამუშაო ვიზიტით იმყოფებოდა.

სოფლუს მეურნეობის სამინისტროს ინფორმაციით, ვიზიტის ფარგლებში, ქ. ვუსუს მუნიციპალურ სახალხო მმართველობაში გამართულ შეხვედრაზე, ჩინეთსა და საქართველოს შორის სოფლის მეურნეობის მიმართულებით თანამშრომლობის პერსპექტივები განიხილეს. განსაკუთრებული ინტერესი გამოითქვა მევენახეობა-მეღვინეობის მიმართულებით თანამშრომლობაზე, რომლის მიზანიც, ვუსუს რეგიონში, საქართველოს გამოცდილების გაზიარებით, მეღვინეობის განვითარების ხელშეწყობა, ახალი ჯიშების ინტროდუქცია, ახალი ტექნოლოგიების დანერგვა, ასევე, ორ ქვეყანას შორის ეკონომიკური, კულტურული, სავაჭრო და ტურისტული ურთიერთობების გაღმავებაა.

ზემოაღნიშნულის გათვალისწინებით, ქ. ვუსუს მერმა, დალალებევ კენჟახანმა და სოფლის მეურნეობის სამეცნიერო-კვლევითი ცენტრის დირექტორმა, ლევან უჯმაჯურიძემ ხელი მოაწერეს თანამშრომლობის მემორანდუმს.

სოფლის მეურნეობის სამინისტროს დელეგაციის წევრებმა  სინძიანის პროვინციის სასოფლო-სამეურნეო ტექნიკის ბაზები, ღვინისა და ლუდის საწარმოები, მევენახეობის და ხეხილოვანი კულტურების ნარგაობები დაათვალიერეს; შეხვედრები გაიართა თაფლის წარმოებისა და კონტროლის სახელმწიფო ინსპექციის ხელმძღვანელებთან.

სამუშაო ვიზიტის ფარგლებში, ქართული დელეგაციის წევრებმა ქ. ურუმჩიში მე-5 საერთაშორისო გამოფენაზე ქართული ღვინისა და ალკოჰოლური სასმელების მწარმოებელი კომპანიების მიერ წარმოდგენილი პროდუქციის ფართო ასორტიმენტი დაათვალიერეს.

უახლოეს მომავალში დაგეგმილია საქართველოში ჩინეთის დელეგაციის საპასუხო ვიზიტი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფოდოროვი - უკრაინა მიიღებს შორ მანძილზე მოქმედ არტილერიას, ფრთოსან რაკეტებს და დრონების მხარდაჭერას

ევროკავშირის ლიდერები შეთანხმდნენ, რომ რუსეთის წინააღმდეგ სანქციები ორჯერ გაახანგრძლივონ

ბულგარეთის პრორუსულმა პრემიერ-მინისტრმა პირობა დადო, რომ ვეტოს დაადებს ევროკავშირის ახალ სანქციების პაკეტს რუსეთის წინააღმდეგ.

აშშ-ის საზღვაო ძალებმა ირანის საზღვაო ბლოკადა დაასრულეს